xoves, 30 abr 2020
Abel Caballero mantivo este xoves unha xuntanza co sector cultural da cidade para planificar a recuperación económica e estudar as posibilidades para organizar unhas festas “diferentes” durante o vindeiro verán.
xoves, 23 abr 2020
Amais, con motivo do Día do Libro, o Concello, a asociación Vigo Gastronómico e a Editorial Galaxia colaboran na entrega de 500 exemplares de “A Batalla de Rande” coas comidas que se levan aos domicilios.
martes, 21 abr 2020
Segundo adiantou o alcalde, distribuiranse exemplares de “A Batalla de Rande” xunto coa comida que se leva aos domicilios. O goberno municipal destina 98.500 euros a entidades culturais da cidade e apunta o adiamento do concerto de Sting para o 31 de agosto de 2021.
mércores, 15 abr 2020
A primeira entrevista estará dispoñible desde hoxe mércores. O material procede dos arquivos da CRTVG e da CRTVE e concíbese como unha actividade complementaria da mostra sobre o pintor que acolle o museo.
xoves, 2 abr 2020
Ante o peche das instalacións por mor do estado de alarma, a Biblioteca convida ás súas seguidoras e seguidores nas redes sociais a compartir imaxes deste 2 de abril e de como a literatura rodea as nosas vidas.
venres, 27 mar 2020
Todos aqueles interesados en compartir a súa creatividade artística durante este período de confinamento xa poden facer chegar as súas creacións a confinarteconcultura.vigo.org. Teñen que ser vídeos curtos, que deberán estar gravados en formato horizontal, cun peso máximo de 500 MB e unha duración máxima de 5 minutos.
mércores, 25 mar 2020
A partir do venres, 27 de marzo, os artistas locais que así o desexen poderán enviar as súas creacións á plataforma web confinarteconcultura.vigo.org, unha iniciativa municipal que ten por obxectivo reunir e difundir a creatividade local durante estes difíciles días de confinamento. O alcalde deu conta esta mañá dunha iniciativa cultural que se suma ao resto de medidas municipais adoptadas con motivo do coronavirus.
mércores, 11 mar 2020
O alumnado vigués de 4º da ESO e 1º de Bacharelato poderá participar neste proxecto educativo os días 16 e 17 de abril cunha temática centrada na integración, vida saudable e prevención de adicións.
martes, 10 mar 2020
Desde hoxe e ata o próximo 9 de abril, a rúa Príncipe acolle unha mostra fotográfica que recolle a vida cotiá de Anantapur, unha das zonas máis pobres da India. A través dos ollos de Cristina García Rodero, unha das fotógrafas máis prestixiosas no ámbito internacional, poderemos gozar de 40 imaxes coa vontade de contribuír á sensibilización cidadá. O Concello colabora cunha mostra froito do traballo que desenvolveron conxuntamente na India “la Caixa” e a Fundación Ferrer.
venres, 6 mar 2020
Abel Caballero participou este venres no Museo de Arte Contemporánea (MARCO) na inauguración da exposición “No, aún no”, de Yolanda Herranz, catedrática de Escultura na Universidade de Vigo. A mostra, comisariada por Miguel Fernández Ci e Pilar Souto, estará aberta ata o 14 de xuño no primeiro andar do museo.