xoves, 30 xan 2020
É a protagonista da última edición de Mostrarte, a iniciativa cultural que converte os espazos da Alcaldía nunha sala de exposicións. Coa súa pintura figurativa, a artista captura a última e exitosa campaña do Nadal vigués, facendo gala da súa ampla experiencia no tratamento da luz.
mércores, 29 xan 2020
O PSOE presentou na sesión plenaria desta mañá unha moción na que avoga porque Concello e Xunta asinen un convenio que comprometa ao goberno autonómico coa apertura dunha sede do CGAC en Vigo, tal e como anunciou Alberto Núñez Feijóo. O texto inclúe a necesidade de que o edificio teña unha superficie expositiva superior aos 400 m2 e que a Xunta adique polo menos 500.000 euros ao ano a atender esta infraestrutura cultural.
venres, 24 xan 2020
Ata o 24 de maio, o MARCO acolle a mostra "Manuel Colmeiro. Espazos e encadramentos" unha selección das súas obras procedentes de diferentes coleccións. O alcalde manifestou o seu "orgullo" porque a obra de Colmeiro chegue ao Museo de Arte Contemporánea de Vigo.
xoves, 16 xan 2020
O alcalde propón á Consellería de Cultura a sinatura dun convenio de colaboración para a apertura dunha sede do CGAC en Vigo que ofreza "garantías de que o van facer e as cifras oportunas para esta cidade".
mércores, 15 xan 2020
O alcalde manifestou que o goberno municipal ofrecerá a súa cooperación ao autonómico, logo de que anunciase a intención de abrir na cidade unha sede do Centro Galego de Arte Contemporánea.
xoves, 9 xan 2020
A colección permanente da obra de Laxeiro abre unha nova etapa na Casa das Artes de Vigo cambiando o percorrido das obras e incorporando documentación e unha liña de vida do "pintor, artista galego máis importante do século XX".
martes, 7 xan 2020
Abel Caballero avanzou este luns a programación de Vigocultura para o primeiro semestre de 2020, que contará con 77 funcións postas en escena por 24 compañías e grupos. O pasado ano 2019 un total de 10.000 persoas pasaron polo Auditorio Municipal para gozar das 59 funcións programadas.
venres, 20 dec 2019
O Concello amplía a oferta lúdica e formativa de Nadal para as dúas semanas non lectivas. Segundo explicou Abel Caballero, o MARCO organiza obradoiros infantís de Nadal do 26 ao 28 de decembro e do 2 ao 4 de xaneiro, de 12 a 14h, para maiores de tres anos. A entrada, libre e gratuíta ata completar aforo.
xoves, 5 dec 2019
O alcalde avanzou este xoves que a Xunta de Goberno Local adxudicou a contratación das cinco carrozas para a Cabalgata de Rei do vindeiro 5 de xaneiro. Ademais, destacou que a ocupación hoteleira nos mes de novembro chegou a cifras de récord grazas ao Nadal.
mércores, 4 dec 2019
"O máxico Nadal de Roque e Cíes en Vigo" é o título dun conto para nenos que acaba de publicar a editorial Lobito Bueno co apoio do Concello e que se distribuirá polos colexios da cidade.