O Museo de Arte Contemporánea de Vigo (MARCO) rexistrou durante 2005 algo máis de 58.000 visitas, cifra que supón un incremento de máis de 11.000 con respecto ao 2004. Entre os maiores éxitos de público de ano pasado están a exposición de arte xaponesa "Chikaku" e a mostra de artistas brasileiros "Desarranxo".
A Biblioteca Central tamén se soma ás celebracións de Nadal cunha programación especial para nenos e nenas. Así, ata o próximo xoves 5 de xaneiro desenvolveranse diversos obradoiros nos que os máis pequenos poderán aprender a debuxar cómics ou xogar cos seus compañeiros.
O Verbum-Casa das Palabras organiza unha programación para nenos e adultos baseada nas palabras e na maxia para celebrar o día dos Santos Inocentes.
A Biblioteca Pública Central de Vigo organiza durante as festas de Nadal, dende o día 26 de decembro ata o 5 de xaneiro, diversas actividades destinadas aos máis pequenos.
O mércores, 21 de decembro, ás 20.00 horas, terá lugar no auditorio do Centro Cultural Caixanova, a representación de MADAMA BUTTERFLY, unha das obras cumes de Giacomo Pucini, coa que se clausura a tempada Lírica de Outono, organiza polos Amigos da Opera de Vigo e patrocinada polo Concello e a Deputación de Pontevedra.
O Museo de Arte Contemporánea de Vigo (MARCO) ofrece un taller de Manga a todas as persoas interesadas, a partir dos 14 anos. O taller, que se centrará nas nocións de debuxo e guión de Mangas, desenvolverase durante os días 27, 28 e 29 de decembro baixo a dirección do profesor de Cómic na Escola Joso de Sabadell Tomás Morón.
O Conservatorio Superior de Música de Vigo acolle mañá venres, a partir das 20:30, unha representación da ópera de Mozart "Così fan tutte" ("Así fan todas"), dentro do ciclo musical "Lírica de Otoño", organizado pola Asociación de Amigos de la Ópera.
A Concellaría de Cultura pretende achegar a información e o coñecemento aos cidadáns. Para iso, nos dous últimos anos incrementou nun 40% o gasto dedicado a potenciar a Biblioteca Central e realizou xestións para dotar a Vigo dunha rede municipal de bibliotecas.
A compañía "Pablo Nojes e Paprika" actuará o domingo, 11 de decembro, no Auditorio Municipal no marco do circuito teatral municipal "Vigo a escena 2005" e dentro dos espectáculos dirixidos para un público familiar.
No marco da programación infantil que estase a desenvolver na Biblioteca Pública Central de Vigo, a actividade que ten lugar os sábados, "Cóntame un conto" estará dedicada o día 3 deste mes de decembro ao conto "O pez arcoiris" de Marcus Pfister. As seguintes sesións deste obradoiro serán os días 10 e 17, e estarán dedicadas a adaptación de Tareixa Alonso do conto popular "Xil Moniz" e a adaptación realizada por S. Casal e X. López do conto "O neno mosquito".