O alcalde denunciou este luns unha caída do 22,16% na achega da Xunta de Galicia a CEDRO, o Centro de Drogodependencias de Vigo, unha rebaixa con respecto a 2012 superior aos 129.000 euros. Abel Caballero anunciou que será o Concello, pese a non ser competencia municipal, o que supla este recorte.
O alcalde avanzou hoxe martes o apoio municipal á Fundación Igual Arte para organizar en outubro un gran encontro de centros de toda España para intercambiar experiencias e novidosas técnicas de ensino. Caballero asinou hoxe un convenio de colaboración de 13.500 euros para colaborar nos gastos de aluguer da entidade.
A falta de hoxe venres e mañá para pechar a admisión de solicitudes, o Concello de Vigo xa recibiu máis de 2.100 peticións para beneficiarse deste plan "de apoio ás familias e afectados pola crise", indicou o alcalde. Sete entidades solicitaron participar dos 200.000 euros que adica o goberno de Vigo a comedores e colectivos sociais.
Abel Caballero deu hoxe xoves a benvida aos 30 nenos saharauis que van pasar o verán en con familias de acollida viguesas. Durante unha recepción na Alcaldía, o rexedor trasladou a solidariedade da cidadanía coa situación social e política que está a sofrir este pobo.
Abel Caballero asinou este luns un convenio coa cooperativa de Taxis, Paso Vigo e a Fundación La Caixa para que as persoas con algunha discapacidade que participan no programa municipal "Lecer no Verán" gocen, por primeira vez, dos deprazamentos en taxi de balde.
A Asociación de Persoas con Parálise Cerebral contan con con novas instalacións, situadas en 4.000 metros cadrados de superficie de Navia, froito dunha cesión municipal. Con servizos de residencia, centro de día e centro de tratamentos, ofrecen plazas para preto de 120 usuarios.
O alcalde de Vigo asinou hoxe martes un convenio de colaboración coa Asociación de Nenos con hiperactividade e déficit de atención. Cun achega de 4.000 euros, o Concello colabora coa "excepcional" labor que realiza este colectivo.
O Plan Social contra a crise arranca o luns coa instalación dunha oficiña municipal na que se facilitará información sobre os trámites para solicitar esta axuda económica. Dotado con 2.750.000 euros, Vigo é o único concello de España que ofrece este un plan destas características, segundo apuntou Abel Caballero en rolda de prensa.
O alcalde presentou hoxe "o maior programa social da historia da cidade", un importe de 2.650.000 euros para atender a persoas con dificultades económicas. Establecerase en dúas convocatorias: a primeira, dotada con 200.000 euros, destiñada a comedores sociais e bancos de alimentos e, a segunda, con 2.450.000 euros, para atención directa de familias de Vigo.
O alcalde resaltou hoxe martes o incremento de case un 300% das achegas municipais a comedores sociais desde hai dos anos. Concretamente, o Concello pasou de aportar 75.000 euros en 2011 a 223.000 euros este ano.