xoves, 27 dec 2018
A Xunta de Goberno Local vén de aprobar as axudas de emerxencia social para o ano 2019 para cubrir gastos de vivenda e alimentación a familias que o precisen. Amais, deu luz verde á clasificación de ofertas para obras en 31 vías municipais por un importe de 1,7 millóns de euros.
venres, 14 dec 2018
Coa doazón de bicicletas en desuso, que serán recuperadas por talleres vigueses, as persoas colaboradoras permitirán que os nenos de familias con poucos recursos teñan unha bicicleta este Nadal. Amais, o alcalde avanzou detalles da marcha ciclista Bicis no Nadal que se celebra este domingo día 16.
xoves, 29 nov 2018
Isaura Abelairas animou a todo Vigo a refuxiarse "Baixo un mesmo paraugas", para reivindicar o Día Internacional das Persoas con Discapacidade. Por terceiro ano consecutivo, o luns 3 de decembro na Praza da Estrela daranse cita trece entidades sociais, ademais de alumnos de primaria e secundaria.
luns, 26 nov 2018
O Mercado de O Progreso acolleu unha nova edición do proxecto Come rico, vive san que trata de inculcar nos máis pequenos hábitos alimenticios saudables. O alcalde achegouse esta mañá a un destes obradoiros nos que xa participaron máis de 400 estudantes.
venres, 23 nov 2018
Vigo adiantou a este venres a conmemoración do Día Internacional da eliminación das violencias contra a muller recuperando o xa tradicional Enlaza Vigo. Nesta ocasión, foi o pavillón de As Travesas o que albergou o tapiz humano con 2.000 estudantes de secundaria. O alcalde animou aos escolares a loitar contra a violencia machista
xoves, 22 nov 2018
Abel Caballero, xunto á presidenta da Deputación, Carmela Silva, inaugurou o mural cerámico que decora unha das paredes frontais do local da entidade, na rúa Miguel Hernández, realizado por APAMP e por máis de 300 vigueses.
martes, 20 nov 2018
O Concello intensificará a súa cooperación con Cáritas "con máis proxectos conxuntos e sumando sinerxias para ser máis eficientes". Así o dixo o rexedor logo de visitar as instalacións que esta ONG ten na rúa García Barbón.
mércores, 14 nov 2018
Abel Caballero explicou que renovará o convenio coa Xunta por un ano máis para atender en Vigo a mulleres de toda Galicia. Amais, avanzou a celebración mañá xoves do Pleno para aprobar inicialmente o orzamento de 2019.
luns, 12 nov 2018
O alcalde de Vigo informou este luns de que o Concello cubre un gasto medio do 82% do custe dos usuarios das escolas municipais.
xoves, 8 nov 2018
Durante a súa visita á sede viguesa da Fundación, Abel Caballero realizou unha chamada telefónica a un dos voluntarios do Banco para pedirlle a súa participación na gran recollida solidaria de alimentos, que se realizará o 30 de novembro e o 1 de decembro. O rexedor agradeceulle a súa boa disposición e animou á cidadanía a sumarse a esta campaña para a que se precisan 2.000 persoas. Amais, felicitou aos responsables do Banco de Alimentos polo labor que desenvolven axudando a preto de 25.000 cidadáns con dificultades.