xoves, 15 out 2009
A concelleira de Benestar Social, María Méndez, anunciou hoxe que o seu departamento se suma aos actos convocados este sábado contra a pobreza e para reclamar á Xunta de Galiza a "apertura inmediata" do albergue no edificio da Gota de Leite. Entre as actividades que terán lugar o vindeiro 17 de outubro, a concelleira destaca a marcha que sairá ás 12 horas da Praza da Independencia e rematará na Gota de Leite.
xoves, 8 out 2009
A concelleira de Benestar Social, María Méndez, acusou este xoves á Xunta de "deixar tiradas na rúa a 300 persoas sen teito", en referenza ás declaracións expresadas onte pola conselleira de Traballo e Benestar Social, Beatriz Mato, nas que aseguraba que non abriría o edificio da Gota de Leite como centro provisorio de emerxencia social. Asemade, a concelleira nacionalista criticou o incumprimento por parte da Xunta do convenio de colaboración entre o anterior vicepresidente, Anxo Quintana, e a anterior alcaldesa da cidade, Corina Porro, na que se recollía expresamente a posta en marcha desa infraestrutura.
xoves, 8 out 2009
La concejala de Bienestar Social, María Méndez, acusó este jueves a la Xunta de "dejar tiradas en la calle a 300 personas sin techo", en referencia a las declaraciones expresadas ayer por la consejera de Trabajo y Bienestar Social, Beatriz Mato, en las que aseguraba que no abriría el edificio de la Gota de Leche como centro provisional de emergencia social. También, la concejala nacionalista criticó el incumplimiento por parte de la Xunta del convenio de colaboración entre el anterior vicepresidente, Anxo Quintana, y la anterior alcaldesa de la ciudad, Corina Porro, en la que se recogía expresamente la puesta en marcha de esa infraestructura.
luns, 5 out 2009
A concelleira de Benestar Social, a nacionalista María Méndez, salientou este luns que a nova programación do "Outono cultural" incorpora como novidade a celebración de charlas informativas sobre saúde e prevención. Segundo explicou María Méndez, este programa se desenvolverá ao longo dos meses de outubro, novembro e parte de decembro e con el as persoas maiores terán tamén a posibilidade de visitar os museos da cidade e acudir ao teatro.
luns, 5 out 2009
La concejala de Bienestar Social, la nacionalista María Méndez, destacó este lunes que la nueva programación del "Otoño cultural" incorpora como novedad la celebración de charlas informativas sobre salud y prevención. Según explicó María Méndez, este programa se desarrollará a lo largo de los meses de octubre, noviembre y parte de diciembre y con él las personas mayores tendrán también la posibilidad de visitar los museos de la ciudad y acudir al teatro.
venres, 25 set 2009
O tenente de alcalde, Santi Domínguez, alertou aos escolares de 6º de Primaria do CEIP Pintor Laxeiro do perigo que supoñen as drogas durante a inauguración do programa "Eu son eu". No acto, no que tamén participou a concelleira de Benestar Social, María Méndez, e responsables da asociación Érguete, o tenente de alcalde asegurou que "hai tantas cousas boas que se poden facer que é unha estupidez caer no mundo das drogas".
xoves, 24 set 2009
O tenente de alcalde, Santi Domínguez, anunciou este xoves que un total de 28 dependencias municipais serán accesibles para toda a cidadanía antes de finais de ano, co investimento de 2.135.549 euros para a eliminación de barreiras arquitectónicas. Na visita realizada hoxe á piscina e o pavillón do Carme para comprobar o estado das obras, ademais do tenente de alcalde tamén participaron a concelleira de Benestar Social, María Méndez, o concelleiro de Deportes, Xabier Alonso, o presidente de Cogami, Anxo Queiruga, o presidente do club Amfiv Pablo Beiro, e diversos representantes do Consello Local de Accesibilidade, así como as arquitectas encargadas do proxecto.
mércores, 23 set 2009
A concellería de Benestar Social, en colaboración coa asociación Érguete, porá en marcha o programa preventivo "Eu son eu", dirixido a alumnos e alumnas de 6º de Primaria. O obxectivo da iniciativa, que se desenvolverá nunha sesión semanal ao longo dun trimestre, consiste no fortalecemento da personalidade individual ante a presión do grupo.
martes, 22 set 2009
A concelleira de Benestar Social, María Méndez, salientou este martes que o departamento que dirixe incrementou este ano 2009 un 40% o orzamento destinado a cooperación. A edil así o afirmou tras a sinatura dun convenio de colaboración co presidente do Fongo Galego de Cooperación Internacional, Alfredo Novoa, que ascende a 70.000 euros e se destinará ao desenvolvemento dun proxecto de abastecemento e saneamento de auga en Cabo Verde.
luns, 14 set 2009
O tenente de alcalde, Santi Domínguez, e a concelleira de Benestar Social, María Méndez, asinaron este luns un convenio de colaboración coa presidenta da Asociación Érguete, Carmen Avendaño, e coa presidenta de Médicos do Mundo, Nieves Turienza, co obxectivo de desenvolver diversos proxectos encamiñados á integración das persoas con problemas de drogodependencias. Segundo explicou o concelleiro, mediante a sinatura destes convenios, cuxo importe global é de 113.000 euros, financiarase o servizo calor café e a unidade de rúa de Médicos do Mundo e tres pisos de inserción social xestionados por Érguete.
