mércores, 23 dec 2009
O tenente de alcalde, Santi Domínguez, e a concelleira de Benestar Social, María Méndez, anunciaron este mércores que ás 22 horas de hoxe mércores abrirá no pavillón do Berbés un centro de emerxencia provisorio con 30 prazas. Santi Domínguez subliñou que ante a existencia de persoas sen teito que en Vigo están a durmir na rúa, a Xunta "mira para outro lado" e despilfarra os cartos públicos por "cabezonería política", mentres que con esta iniciativa a Tenencia de Alcaldía e a concellería de Benestar "non miramos para outro lado e cumprimos coa nosa responsabilidade política".
martes, 22 dec 2009
O tenente de alcalde, Santi Domínguez, e a concelleira de Benestar Social, María Méndez, visitaron este martes as instalacións do centro de día Atalaia, onde mantiveron unha xuntanza cos usuarios e usuarias do centro, así como coa súa plantilla. No encontro o tenente de alcalde asegurou que estas instalacións son un bo exemplo do preciso que é continuar apostando pola xestión pública dos servizos de benestar.
xoves, 17 dec 2009
As concelleiras de Normalización Lingüística, Iolanda Veloso, e Benestar Social, María Méndez, presentaron este xoves a nova guía de "Expresións habituais en inglés no ámbito sanitario galego", incluida dentro do Plan de Competitividade Turística de Vigo. Na presentación, na que tamén participaron os autores Diego Sanmartín, licenciado en Filoloxía Inglesa, e Jorge Cameselle, doutor en Medicina e Cirurxía, as nacionalistas salientaron que esta iniciativa "da resposta a unha necesidade" nun ámbito como o da sanidade no que o uso do galego é baixo.
martes, 15 dec 2009
A concelleira de Benestar Social, María Méndez, anunciou este martes que dende o seu departamento se está a buscar un espazo no que De Boa Man poida expoñer os seus produtos durante todo o ano e ter a oportunidade de vendelos ao público. A edil afirmouno na inauguración da carpa que estará instalada na rúa do Príncipe ata o día 18 de decembro, e onde fixo un chamento á cidadanía para que apoie esta iniciativa ao mercar os agasallos navideños. Esta actividade levarase a cabo en horario continuado de 10.00h a 20.00h.
luns, 14 dec 2009
O tenente de alcalde, Santi Domínguez, inaugurou este luns as sétimas xornadas do Plan Local de Drogodependencias e outras Adiccións que se celebran hoxe e mañá baixo o título "Conductas adictivas e inclusión social" e que reúne a 150 participantes. No acto, que tamén contou coas intervencións da concelleira de Benestar Social, María Méndez, e a xefa territorial da Consellería de Sanidade, Ángeles Feijoo, o nacionalista afirmou que o PLDA é "bo exemplo" do traballo planificado e dende a implicación de todos os sectores relacionados que está a desenvolver a Concellería de Benestar Social.
xoves, 3 dec 2009
A concelleira de Benestar Social, María Méndez, defendeu hoxe a necesidade de traballar na concienciación da cidadanía para lograr que Vigo sexa unha cidade máis accesible. A edil resaltouno nos actos celebrados con motivo do Día Internacional das Persoas con Discapacidade, que incluíu un percorrido en cadeira de rodas dende a Praza do Rei ao museo Marco no que participaron a deportista Pilar Valero, o presentador Superpiñeiro, a xornalista Noelia Otero e o concelleiro de Deportes, Xabier Alonso, así como a lectura dun manifesto a cargo de catro persoas con distintas discapacidades.
mércores, 2 dec 2009
A concellería de Benestar Social organiza o día 3 de decembro varias actividades de sensibilización con motivo do Día Mundial de Discapacidade. O acto central terá lugar ás 12:30 horas diante do Museo MARCO onde se procederá á lectura dun manifesto. A actividade forma parte dunha campaña de sensibilización para facer que Vigo sexa unha cidade máis accesible para as persoas con discapacidade.
mércores, 2 dec 2009
La concejalía de Bienestar Social organiza el día 3 de diciembre varias actividades de sensibilización con motivo del Día Mundial de Discapacidad. El acto central tendrá lugar a las 12:30 horas delante del Museo MARCO donde se procederá a la lectura de un manifiesto. La actividad forma parte de una campaña de sensibilización para hacer que Vigo sea una ciudad más accesible para las personas con discapacidad.
martes, 24 nov 2009
O tenente de alcalde, Santi Domínguez, e a concelleira de Benestar Social, María Méndez, presentaron este martes a campaña de sensibilización para facer que Vigo sexa unha cidade máis accesible para as persoas con discapacidade. A iniciativa, que se enmarca na conmemoración do Día Mundial da Discapacidade o 3 de decembro, desenvolverá actuacións dirixidas tanto á poboación en xeral, como aos centros de ensino secundario e ao persoal do Concello de Vigo, co obxectivo de que todos os proxectos municipais teñan en conta os criterios de accesibilidade.
martes, 24 nov 2009
El teniente alcalde, Santi Domínguez, y la concejala de Bienestar Social, María Méndez, presentaron este martes la campaña de sensibilización para hacer que Vigo sea una ciudad más accesible para las personas con discapacidad. La iniciativa, que se enmarca en la conmemoración del Día Mundial de la Discapacidad del 3 de diciembre, desarrollará actuaciones dirigidas tanto a la población en general, como a los centros de enseñanza secundaria y al personal del Ayuntamiento de Vigo, con el objetivo de que todos los proyectos municipales tengan en cuenta los criterios de accesibilidad.
