xoves, 13 mai 2010
A concelleira de Benestar Social, María Méndez, salientou este xoves que ao longo do ano 2010, un total de 158 persoas beneficiaranse do programa bono-taxi, un 58% máis que na convocatoria anterior. Cada unha delas recibirá unha axuda de 450 euros. A edil do BNG afirmou que o obxectivo desta iniciativa é o de favorecer o desprazamento na cidade, mediante a utilización do servizo público de taxi, a aquelas persoas afectadas de graves dificultades de mobilidade, e que non poden utilizar o transporte público colectivo.
xoves, 15 abr 2010
O concelleiro de Deportes, Xabier Alonso, e a edil de Benestar Social, María Méndez, presentaron este xoves os XIV Xogos Autonómicos de Baloncesto Vigo 2010, xunto ao presidente de Special Olympics Galicia, Eladio Fernández, e o presidente da Asociación Galega San Francisco, o pai Carlos Ortiz. Os xogos celebraranse no pavillón das Travesas o 18 de abril e participarán 366 atletas de Special Olympics Galicia con discapacidade intelectual.
xoves, 15 abr 2010
O tenente de alcalde, Santi Domínguez, e a concelleira de Benestar Social, María Méndez, visitaron este xoves as instalacións de Cedro, onde comprobaron as obras realizadas para mellorar as condicións de accesibilidade no marco do Plan de Eliminación de Barreiras Arquitectónicas. No transcurso da visita, os concelleiros destacaron o compromiso do goberno local para normalizar a vida das persoas con dificultades de mobilidade.
mércores, 14 abr 2010
A concelleira de Benestar Social, María Méndez, salientou este mércores que o seu departamento amplía o programa de lecer infantil de prevención de condutas de risco aos barrio vigués do Calvario, cun convenio coa asociación "Hoy por mañana". A concellería sinalou que este programa se suma aos que xa se desenvolven co Plan Comunitario de Teis e a asociación Abertal, de xeito que se atenderán un total de 65 nenos e nenas.
martes, 13 abr 2010
A concelleira de Benestar Social, María Méndez, clausurou este martes o programa escolar de prevención das drogodependencias "Eu son eu". No transcurso do acto, a edil felicitou aos alumnos e alumnas de 6º de Primaria do CEIP Pintor Laxeiro pola súa participación no proxecto. Entregoulles un diploma acreditativo e agradeceul a colaboración do centro escolar e da asociación Érguete nesta iniciativa.
mércores, 7 abr 2010
A concelleira de Benestar Social, María Méndez, fixo balance do programa de Avellentamento Activo e salientou que ao longo do 2009 un total de 1.230 persoas participaron nos cursos que se desenvolveron en 17 asociacións veciñais. Asemade, a edil destacou que como novidade, o programa para este ano inclúe visitas aos xacementos arqueolóxicos de Toralla, O Castro e as salinas de Rosalía de Castro baixo o nome "Percorrido pola nosa historia".
venres, 26 mar 2010
A concelleira de Benestar Social, María Méndez, anunciou este venres que o orzamento destinado ás becas escolares de libros e comedor aumenta un 14% ao pasar de 525.000 euros no curso 2009-2010 a un total de 610.000 euros para o ano académico 2010-2011. A concelleira sinalou tamén que o prazo de solicitude para optar as axudas do vindeiro curso é do 5 ao 16 de abril nas unidades de traballo social de Praza do Rei, Praza da Princesa, Martínez Garrido, Doctor Corbal e Quintela.
xoves, 25 mar 2010
A concelleira de Benestar Social, María Méndez, destacou este xoves que nove persoas participan no Programa Vía de transición á vida autónoma, que se desenvolve en dous pisos. A edil sinalou que se trata dun recurso novidoso, que se puxo en marcha en xuño do ano pasado, co obxectivo de ampliar os programas municipais destinados a integración das persoas en risco de exclusión social.
xoves, 18 mar 2010
O tenente de alcalde, Santi Domínguez, salientou este xoves que a eliminación das barreiras arquitectónicas converte a Vigo nunha cidade "máis igualitaria, máis xusta e máis solidaria". Na inauguración das obras do Plan de Accesibilidade, que supuxo a eliminación das barreiras arquitectónicas en 28 equipamentos municipais cun investimento superior aos 2 millóns de euros, o concelleiro anunciou que nos fondos procedentes do Plan FEIL para este ano tamén se destinará unha partida para completar este proceso de promover a mobilidade das persoas con discapacidade.
mércores, 17 mar 2010
A concelleira de Benestar Social, María Méndez, participou este mércores na clausura dos actos que conmemoran o 25 aniversario da creación de CEDRO. Na súa intervención, a concelleira salientou a atención integral e especializada que ofrece o equipo de profesionais desta unidade asistencial dende a súa creación en 1985 no ámbito das drogodependencias.
