mércores, 15 dec 2010
A concelleira de Benestar Social, María Méndez, asinou este mércores dous convenios de colaboración con dúas entidades sen ánimo de lucro como son o Banco de Alimentos e a asociación Vida Digna. A concelleira do BNG destacou que máis aló da cuantía dos convenios, 10.000 euros en total, o obxectivo desta iniciativa é reforzar a axuda que se presta ás persoas máis afectadas pola crise económica e dar a coñecer á cidadanía o tecido social vigués que traballa con este colectivo.
martes, 14 dec 2010
A concelleira de Benestar Social, María Méndez, fixo un chamamento aos vigueses e viguesas para que merquen os agasallos navideños no mercado de De Boa Man, que como é tradicional está instalado nunha carpa na rúa do Príncipe. A concelleira nacionalista asegurou que con esta iniciativa dase un paso máis "na integración no mundo laboral das persoas con discapacidade".
luns, 13 dec 2010
A concelleira de Benestar Social, María Méndez, visitou hoxe un dos 30 obradoiros de sensibilización que se están a desenvolver en diferentes centros educativos da cidade dentro da campaña de sensibilización impulsada polo Consello Municipal de Cooperación Internacional. A nacionalista salientou a importancia de traballar os valores da solidariedade desde as idades máis temperás.
xoves, 9 dec 2010
A concelleira de Benestar Social, María Méndez, presentou este xoves as iniciativas que o seu departamento ten posto en marcha destinadas aos colectivos máis desfavorecidos da cidade. Na presentación destas medidas, a concelleira nacionalista anunciou que o dispositivo de emerxencia contra o frío estará aberto dende hoxe durante doce horas diarias, en horario de 21 a 9 horas.
venres, 3 dec 2010
O tenente de alcalde, Santi Domínguez, e a concelleira de Benestar Social, María Méndez, entregaron este venres os premios da primeira edición do concurso "Eu tamén podo", celebrado con motivo da conmemoración hoxe do Día Internacional da Discapacidade. Tras a lectura do manifesto por parte de dous representantes de colectivos de persoas con discapacidade, o nacionalista destacou que "non hai barreiras, as barreiras creámolas nós", tras ollar as obras de arte presentadas.
xoves, 2 dec 2010
A concelleira de Benestar Social, María Méndez, presentou este xoves os actos que se desenvolverán mañá 3 de decembro con motivo do Día Internacional da Discapacidade. Anunciou que entre as actividades que se levarán a cabo para fomentar a sensibilización de toda a cidadanía no obxectivo de acadar a igualdade de oportunidades figura a entrega de premios, no Marco, aos once traballos elixidos da primeira edición do concurso "Eu tamén podo", a lectura dun manifesto a cargo de persoas con discapacidade e a entrega de premios Atranco e Accesibilidade.
martes, 30 nov 2010
A concelleira de Benestar Social, María Méndez, e a alcaldesa da Cámara Municipal de Paul en Cabo Verde, Vera Almeida, explicaron hoxe os proxectos que se están desenvolvendo nesta localidade do país africano grazas á achega que fai o Concello de Vigo a través do Fondo Galego de Cooperación e Solidariedade. A alcaldesa de Paul salientou a importancia do proxecto de rehabilitación de 22 vivendas que se está levando a cabo coa achega de 50.000 euros que realiza a Concellería de Benestar Social, polo que agradeceu especialmente á María Méndez a colaboración.
venres, 19 nov 2010
A concelleira de Benestar Social, María Méndez, presentou este venres a xornada solidaria que se celebrará mañá na Praza de Compostela, en horario de 11 a 13.30 horas e 16.30 a 19 horas, que tamén inclúe un concerto gratruíto no Auditorio Municipal ás 21.30, a cargo de La Habitación Roja. A concelleira nacionalista destacou que esta iniciativa, na que colaboran diversas ONGD que traballan en Vigo, ten por obxectivo "sensibilizar á cidadanía sobre a necesidade de que se cumpran os obxectivos do Milenio".
xoves, 18 nov 2010
O salón de plenos do Concello de Vigo acolleu este xoves a décima segunda edición do pleno xuvenil, no que participaron alumnos e alumnas de primeiro de Bacharelato do IES Politécnico, IES Teis, IES Rosais 2, e Salesianos. Tras as palabras de benvida do alcalde da cidade, o tenente de alcalde e a concelleira de Benestar Social, procedeuse ao desenvolvemento do acto, co que se quere garantir a participación efectiva dos máis novos e novas na vida do municipio como cidadáns e cidadás de pleno dereito.
xoves, 28 out 2010
A concelleira de Benestar Social, María Méndez, presentou este xoves a primeira edición do concurso "Eu tamén podo", que terá as modalidades de creación literaria, fotografía, pintura e debuxo. O prazo de entrega das obras remata o 26 de novembro e os premios entregaranse o 3 de decembro, Día Mundial da Discapacidade.
