"A economía só é economía se é economía social", indicou o alcalde este xoves, tras participar na inauguración das VII Xornadas "Valoración, Financiamento e Xestión de Riscos" organizadas pola cátedra AECA Abanca. Caballero avogou ademais por unha economía competitiva "fundamentalmente a través da produtividade"
No transcurso da entrevista mantida este luns entre Abel Caballero e varios membros da Asociación Cultural Vila de Bouzas, o rexedor loou a "dinámica" da entidade e comprometeu a cooperación do Concello cos seus proxectos. Ademais, a Xunta de Goberno Local aprobou a convocatoria de subvención ás actividades xuvenís e os convenios con Solidariedade Galega do Pobo Saharauí e con ACOPOVI.
O alcalde vigués recibiu este xoves ao seu homólogo de Verín, Gerardo Seoane, reunión na que abordaron "temas comúns" e "de gran interese", como o legado de García Barbón en Vigo e en Verín, onde viviu antes de vir á cidade olívica.
Os días 10 e 11 de xuño, o Casco Vello vigués acollerá distintos actos polo Día de Portugal, de Camões e das Comunidades Portuguesas en Galicia. As rúas da zona vella encheranse de gastronomía e artesanía do país veciño, de actuacións de grupos folclóricos, fado, música clásica e danza.
O rexedor participou este mércores na sinatura do contrato entre a Navieira Nabia e o asteleiro Gondán para a construción dun buque de pasaxe que operará na ría de Vigo e que terá as Illas Cíes como ruta central. No acto, destacou a importancia da feira como espazo de negocio neste momento de "recuperación do naval vigués".
No acto de celebración do Día da Policía Local, que tivo lugar este mércores na Praza do Rei, Abel Caballero quixo recoñecer aos axentes o seu "traballo excepcional, a atención aos cidadáns e a seguridade que imprimen á cidade". Vigo celebrou esta xornada cunha exhibición policial.
A Feira Internacional da Industria Naval abriu este martes as súas portas no IFEVI e, durante a inauguración, o alcalde defendeu a necesidade de "renovar a nosa vocación de naval, de estaleiros" a amosouse aberto, se a organización así o decide, a facer de Navalia unha cita anual.
Abel Caballero mantivo este venres un encontro cos representantes do Colexio Oficial de Graduados Sociais. O colectivo demanda máis espazo no futuro emprazamento da xustiza na torre do Xeral, petición da que o alcalde faise eco pois "se precisa moito máis" espazo para os graduados sociais na "Cidade da Xustiza do século XXI"
Caballero recibiu esta mañá ao responsable de PSA Peugeot Citroën Vigo, Yann Martin, cunha felicitación que fixo extensiva a todos os traballadores da factoría de Balaídos pola adxudicación dun novo modelo. Durante o encontro, Caballero reiteróulle a vontade do Concello de seguir cooperando para que a planta viguesa continúe máis dunha década traballando ao máximo da súa capacidade de produción e emprego.
Unha delegación desta urbe chinesa, de nove millóns de habitantes, liderada polo seu rexedor visitou este venres o Concello e foron recibidos polo alcalde vigués. Caballero avanzou que, a solicitude destes, se inician os trámites para irmandar ambas cidades, que comparten peso pesqueiro, portuario e no sector da automoción.