Abel Caballero participou no acto de presentación dos tres novos patrulleiros da Axencia Europea de Control da Pesca que velarán pola seguridade nos caladoiros internacionais.
A vixésimo sétima edición da Festa da Reconquista levará á cidade, un ano máis, ata 1809 para recrear o levantamento da cidadanía viguesa contra os exércitos de Napoleón e coa cualificación de Festa de Interese Turístico Nacional.
Abel Caballero apagou na tarde de onte as súas luces de Nadal da cidade, que foron acendidas o pasado 19 de novembro, “case 60 días nas que a cidade superou todos os récords imaxinables", ademais o rexedor sinalou que “o Nadal de Vigo fíxose o Nadal do mundo. O Nadal de todas e de todos”.
O alcalde mantivo este luns un encontro coa organización do evento que lle trasladou as dificultades económicas coas que se están atopando para a continuidade da feira.
Abel Caballero, xunto a Carmela Silva, presidenta da Deputación de Pontevedra, e David Regades, delegado do Estado na Zona Franca, coñeceron este xoves o traballo da empresa Paz Rodríguez, acompañados polo xerente e o director da marca de téxtil infantil con fabricación en España. O rexedor puxo en valor a súa presenza en Harrods “un dos centros comerciais máis importantes do mundo” e trasladoulles o “orgullo” porque a empresa estea asentada en Vigo, no PTL de Valladares.
O alcalde trasladou aos familiares dos mariñeiros do Vila do Pintanxo a vontade da cidade de sumarse á conmemoración do aniversario do naufraxio no que perderon a vida 21 persoas. Trátase, dixo, dun chamamento á concienciación colectiva e a necesidade de reforzar a seguridade no mar.
O rexedor acudiu esta mañá ao IES Audiovisual de Vigo, no que se realizaban as charlas motivacionais TED Fala, onde se mostrou abraiado polo gran talento vigués no mundo da produción audiovisual.
O alcalde visitou esta mañá "Colchones Marco", unha empresa da cidade con 105 anos de historia. Caballero constatou a súa evolución cunha visita polas instalacións para coñecer o cambio na tecnoloxía para a mellora do produto. "Son enormes produtores cunha gran capacidade produtiva, facendo colchóns e pezas de calidade", declarou en rolda de prensa. Na empresa traballan 15 persoas que producen 100 colchóns ao día.
A Xerencia de Urbanismo aprobará este martes a adquisición do inmoble situado na Avenida de Ramón Nieto 58 por un importe de 177.000 euros. Abel Caballero avanzou en rolda de prensa que será unha dotación para asociacións culturais, sociais e lugar de encontro para as persoas de Lavadores.
A cabalgata estática na avenida de Castelao recibiu a miles de nenas e nenos que esperaban a chegada das súas Maxestades. Ás 17:30 horas comezará a cabalgata tradicional con saída desde praza América e rematará coa entrega de chaves por parte do alcalde aos Reis Magos. Abel Caballero pediu a Melchor, Gaspar e Baltasar “seguir a esta velocidade de avance e progreso na cidade e que a cidadanía sexa feliz en Vigo”.