Trátase do Plan de Actuación Integrado Vigo Vertical Gran Vía - As Travesas - Castrelos cun importe de 20 millóns de euros. A principal actuación consiste na construción das ramplas mecánicas entre a Praza de América e a Praza de España.
O alcalde deu conta dun novo paso urbanístico para avanzar na semipeonalización da Praza de España. O Concello suma a tramitación dun novo convenio no ámbito comprendido entre as rúas Emilia Pardo Bazán, Avenida de Madrid, Conde de Gondomar e Gran Vía. Gañaranse zonas verdes e ampliarase a beirarrúa da Gran Vía.
“Bodies evolution”, unha mostra con oito corpos reais e máis de cen órganos conservados mediante plastinación, poderá visitarse desde hoxe e ata o 26 de outubro no Auditorio Mar de Vigo.
Setembro rexistrou a mellor ocupación dos últimos cinco anos, segundo explicou o rexedor, que avanzou tamén a adxudicación da contratación das obras de humanización de Clara Campoamor, entre Ramiro Pascual e o Hospital Álvaro Cunqueiro, por un importe de 1.232.534,85 euros.
Este domingo, 5 de outubro, o Concello súmase á celebración do Día Mundial da Meninxite, iluminando de verde as fontes da rúa Aragón para recordar que esta enfermidade segue sendo unha ameaza. Cada año, esta doenza afecta a máis de 2,5 millóns de persoas no mundo e, malia os avances médicos, unha de cada dez persoas falece e unha de cada 5 sobrevive con secuelas permanentes. Así, cada 5 de outubro serve como recordatorio de que a prevención, o diagnóstico precoz e o coñecemento salvan vidas.