Caballero aborda cos máximos responsables de INDRA o avance da fábrica de microchips
Abel Caballero abordou este xoves, xunto ao delegado do Estado no Consorcio de Zona Franca de Vigo, David Regades, co presidente e o conselleiro delegado de INDRA, Ángel Escribano e José Vicente dos Mozos, respectivamente, a coordinación das accións a desenvolver no futuro inmediato da fábrica de microchips fotónicos, que en 2026 supoñerán ampliar o persoal coa contratación de preto de novos 200 enxeñeiros e enxeñeiras.
O alcalde destacou que INDRA, un dos accionistas máis importantes da primeira fábrica de microchips fotónicos de Europa, que se instalará no Parque Tecnolóxico e Loxístico de Valladares, ratificou na reunión de hoxe que a empresa mantén a proposta do aumento de enxeñeiros.
O desenvolvemento do proxecto “vai en tempo e forma en todo o que ten que ver coa electrónica e a telemática”, afirmou o rexedor, ao recalcar que “INDRA establecerá un gran centro en Vigo, cun enorme emprego e cun gran desenvolvemento tecnolóxico”.
“INDRA mantén o seu establecemento no maior nivel de operatividade en Vigo”, recalcou.
