O Certamen de Teatro 2025 ofrece oito representacións de grupos afeccionados

Abel Caballero, acompañado polo concelleiro de Cultura Gorka Gómez, por Marcos Castro e Carlos Pérez Rodríguez, da Agrupación de Centros Deportivos e Culturais de Vigo, e de José Manuel Veiga e María Luisa García do Centro Cultural de Bembrive, animaron hoxe a “encher” os auditorios de Vigo onde actores afeccionados representarán os oito espectáculos programados nos centros culturais veciñais.

Durante un mes máis de 100 actores e actrices non profesionais levarán o teatro ás asociacións veciñais da cidade. As representacións comezarán o sábado 4 de outubro para finalizar o domingo 2 de novembro. 

Caballero destacou que entre os obxectivos do certame figura dar visibilidade ao talento local e fomentar a participación veciñal a través das artes escénicas e converterse nun punto de encontro para os seguidores do teatro.

Marcos Castro, representante da Agrupación de Centros Deportivos e Veciñais, destacou que a programación está dirixida a potenciar aos grupos de teatro. “Queremos encher os auditorios veciñais para que todo o mundo teña acceso a este ciclo e demostrar a actividade dos 32 grupos das nosas agrupacións”.

A entrada ás representacións é libre ata completar o aforo.

Programa

• Sábado, 4 de outubro – CVC Valladares Grupo de Teatro Helios de Bembrive – "A taberna sen doo".

• Sábado, 11 de outubro – SCDR Helios (Bembrive) Grupo de Teatro Porta Aberta –"Munuwa".

• Domingo, 12 de outubro – CCR Cabral Grupo Lameiro – " O lago das meniñas malas".

• Sábado, 18 de outubro – SCD Atlántida de Matamá Grupo de Teatro Rueiro – "Profesión Precaria".

• Domingo, 19 de outubro – ACRD Pardavila A Casa do Teatro – "A voda de Esganarello".

• Sábado, 25 de outubro – AVV Santa Mariña Grupo de Teatro Tarantela – "Alvariño Concueiro".

• Domingo, 26 de outubro – CCA Rueiro. As Divertidas – "Unha merenda de amigas".

• Domingo, 2 de novembro – SCDR Helios (Bembrive) Teatro Escoitade – "A cova das mil abrandares".