xoves, 2 out 2025
A cidade converteuse este xoves no epicentro da celebración do Día da Policía Nacional. O Corpo elixiu Vigo para conmemorar neste 2025 o seu patrón, o día dos Santos Anxos Custodios, cun acto presidido polo ministro do Interior, Fernando Grande-Marlaska, no que participou o alcalde así como a secretaria de Estado de Seguridade, Aina Calvo, e o director xeral da Policía Nacional, Francisco Pardo, entre outras autoridades. Durante o evento impuxéronse as condecoracións ao Mérito Policial, rendeuse homenaxe aos profesionais falecidos en acto de servizo e, finalmente, levouse a cabo unha formación dinámica de distintas unidades da Policía Nacional. O ministro entregoulle a Caballero a Cruz ao mérito policial con distintivo branco.
xoves, 2 out 2025
A Xunta de Goberno local vén de adxudicar 3.509 bolsas de comedor e 1.070 axudas de libros para este curso escolar. O total de achegas é de 4.579 cun orzamento de 1,6 millóns e non hai lista de agarda.
xoves, 2 out 2025
O alcalde participou esta mañá na recepción á directiva do PAOK FC, equipo grego que esta tarde se enfrontará ao Celta no primeiro partido en Balaídos logo da volta do conxunto vigués á Europa League. Caballero deulles a benvida á cidade aos representantes do club nun discurso no que avogou pola deportividade nunha cita futbolística da que “todo Vigo vai gozar moito”. O acto tivo lugar na Sede do Celta da rúa Príncipe
xoves, 2 out 2025
A concelleira de Política Social participou este xoves na presentación do encontro que abordará a soidade das persoas adictas, a prevención, a sensibilización e contará co testemuño de enfermos, familias e profesionais.
