O BOE publica o prazo de presentación de instancias para 91 prazas de emprego público no Concello de Vigo. As persoas interesadas en participar no proceso terán 20 días a partir deste martes para inscribirse.
Xa son máis de 5.000 os espectadores que gozaron da programación de febreiro e marzo de VigoCultura. O último espectáculo da presente tempada será o 2 de maio.
Abel Caballero visitou este luns, cos concelleiros Carmela Silva e Ángel Rivas, o novo cruceiro instalado na Praza da Consolación, xunto á parroquia de San Martín, que foi creado pola Escola de Cantería de Galicia coa colaboración da Deputación de Pontevedra durante a presidencia da actual primeira tenente de alcaldía. O monumento inclúe unha dedicatoria á "Xente de Coia".
O alcalde presentou este luns a segunda edición do programa, organizado xunto á Fundación Mayeusis, que está conformado por máis de 30 actuacións en diferentes formatos que se celebrarán en case unha vintena de espazos da cidade.
Abel Caballero presentou hoxe, co concelleiro de Cultura, Gorka Gómez, o presidente da Fundación SonDeSeu, Anxo Pintos, o director da orquestra, Xaquín Xesteira, e a intérprete solista de arpa, Begoña Riobó, o concerto “Arpas Atlánticas” que terá lugar o 17 de maio, Día das Letras Galegas, no Teatro García Barbón.
O alcalde anunciou hoxe un servizo extraordinario de autobuses para facilitar o regreso do partido que a Selección Absoluta Feminina vai disputar mañá en Balaídos. Serán tres as liñas dispostas a partir das 20,45 horas, cando está previsto que remate o encontro.
O alcalde recibiu ás integrantes do equipo sénior de balonmán feminino Seis do Nadal que ascendeu de xeito directo á Primeira División Autonómica tras ser campioas de Liga. Tamén estiveron no Concello os membros do equipo masculino, campión da máxima categoría autonómica e da Copa Federación e que loitará por ascender a categoría Nacional. Abel Caballero felicitou ás xogadoras e xogadores e animounos a seguir medrando co deporte, co nome de Seis do Nadal de Coia e de Vigo. Os membros de ámbolos equipos recibiron unha medalla co seu nome serigrafiado como premio e recoñecemento aos seus logros.
Abel Caballero mantivo unha xuntanza coa Fundación do Secretariado Xitano de Vigo e Galicia na que fixeron entrega da bandeira do pobo xitano que xa ondea na Praza do Rei. O goberno local outorga unha subvención de 18.000 euros á Fundación para programas de inclusión sociolaboral. O programa Acceder serviu no 2024 de apoio a 122 persoas de etnia xitana que conseguiron un contrato laboral, das cales o 55% foron mulleres. O 8 de abril conmemórase o Día Internacional do Pobo Xitano, na que se recorda o primeiro Congreso Mundial romaní celebrado en Londres en 1971, onde se instituíu a bandeira e o himno deste pobo. Amais, este ano 2025 conmemórase o 600º aniversario da chegada das persoas xitanas á península ibérica. Na actualidade, o 8 de abril é unha xornada na que se reivindica o seu dereito ao recoñecemento e á igualdade.
O alcalde saudou aos 275 estudantes que asistiron ao concerto didáctico organizado pola Escola municipal de música folk e tradicional (E-TRAD) no Auditorio Municipal. O Concello organiza durante esta semana un ciclo de concertos para alumnos e alumnas de 5º e 6º de Educación Primaria de diferentes colexios da cidade e dar a coñecer a cultura musical e instrumental galega así como o labor que fan nesta escola municipal. "Gozade da música e aprendede do profesorado da E-TRAD, que son magníficos", dixo o rexedor.
O alcalde recibiu este luns ás 47 alumnas do Colexio As Acacias que participan na visita didáctica do programa municipal "Aventura non Vigo Vello-Reconquista 2025", animándolles a interesarse por coñecer a historia da cidade e especificamente por un dos episodios de maior transcendencia como consecuencia de que en 1809 a cidadanía de Vigo liderou o inicio da expulsión de España das tropas napoleónicas. Ata o próximo día 11 de abril preto de 1.000 escolares percorrerán, con visitas teatralizadas, os puntos craves do centro histórico de Vigo onde tivo lugar A Reconquista.