Alumnado de 5º e 6º de Educación Primaria participa na primeira sesión didáctica de música folk
O alcalde saudou aos 275 estudantes que asistiron ao concerto didáctico organizado pola Escola municipal de música folk e tradicional (E-TRAD) no Auditorio Municipal. O Concello organiza durante esta semana un ciclo de concertos para alumnos e alumnas de 5º e 6º de Educación Primaria de diferentes colexios da cidade e dar a coñecer a cultura musical e instrumental galega así como o labor que fan nesta escola municipal. "Gozade da música e aprendede do profesorado da E-TRAD, que son magníficos", dixo o rexedor.
