VigoCultura reuniu a 5.000 espectadores nos meses de febreiro e marzo
Xa son máis de 5.000 os espectadores que gozaron da programación de febreiro e marzo de VigoCultura. O último espectáculo da presente tempada será o 2 de maio.
A programación de VigoCultura segue celebrándose con éxito e xa son máis de 5.000 os espectadores que acudiron ao Auditorio Municipal para gozar das funcións dos meses de febreiro e marzo. A este número, indicou Caballero, hai que sumar as 6.000 persoas que presenciaron os espectáculos de rúa cos que se iniciou a programación. O cartel estenderase ata o venres, 2 de maio, cun parón durante a Semana Santa.