O aeroporto de Vigo despedirá mañá aos primeiros participantes no programa Vigo en inglés. Entre o 28 de xuño e o 8 de xullo partirán 7 avións cos 767 alumnos correspondentes á edición de 2020 aos que a pandemia impediu gozar da súa bolsa de idiomas cando lles correspondía.
O alcalde adiantou que os temas a tratar serán o programa Kit Digital, a necesidade de captar fondos europeos para a automoción e o Grupo Stellantis en Vigo e o PERTE do sector naval.
O goberno local está a promover unha nova zona industrial en San Andrés de Comesaña, fronte a Navia, explicou o rexedor. Trátase dun ámbito de case 31.000 m2 que compatibilizará uso industrial y comercial e que podería ser aprobado de forma definitiva este mesmo ano. A partir de aí, a previsión son dous anos de obras.
A Biblioteca municipal Neira Vilas organiza actividades arredor da figura do autor vigués na caseta que instalará na Feira que comeza este venres 1 de xullo. É unha das actividades que conforman a programación de verán da biblioteca.
Abel Caballero achegouse esta mañá a Teis para comprobar as obras de accesibilidade acometidas nas proximidades do Mercado, uns traballos “extraordinariamente convenientes” nesta zona. Concretamente, soterrouse o transformador para garantir o subministro ao barrio e dotouse o espazo de ramplas e escaleiras para garantir a accesibilidade universal á zona. A actuación incluíu a humanización de todo o contorno.