A Xunta de Goberno Local deu luz verde este xoves ao proxecto de cubrición do patio do Ceip Frián Teis (451.518 euros), ao proxecto do edificio da sala de lectura do edificio da Tesourería (850.000 euros) e á contratación das obras da rampla mecánica para o Centro de Saúde de Teis (1.308.000 euros).
A Xunta de Goberno Local aprobou o proxecto de acondicionamento da contorna do aparcamento do futuro pavillón deportivo de Matamá, que dispoñerá de 127 prazas ao aire libre. O alcalde destacou tamén o investimento de 1 millóns na conexión vertical entre Travesía e Aragón.
Os areais de Vigo xa locen as once bandeiras azuis que un ano máis a converten na cidade española con maior número de distincións polos servizos das súas praias. Unha vez máis, Caballero destacou que o Concello conta con preto dun centenar de profesionais atendendo estas zonas durante todo o verán o que supón un investimento de máis de medio millón de euros.
As entradas para o concerto de Castrelos sairán á venda o luns 4 de xullo en dúas quendas (10,00 e 17,00h)para facilitar o acceso de toda a cidadanía. Este ano, ademais, poderán adquirirse tamén de forma presencial e ese mesmo día na billeteira do Auditorio Municipal.
O alcalde visitou a mostra xunto ao comisario, Javier Pérez Buján, na que inclúense obras do artista vigués na súa segunda etapa. "É excepcional. Temos aquí a exposición de Laxeiro e tamén un dos seus cadros preside unha sala no Reina Sofía en Madrid, un dos mellores museos de arte contemporáneo do mundo. Queremos que Laxeiro sexa coñecido en toda Europa", afirmou Abel Caballero na súa intervención.