A Xunta de Goberno aprobou a licitación do contrato de mantemento da iluminación viaria cun custo anual de 3 millóns aproximadamente. Ademais, o goberno local xa está a mellorar a eficiencia do sistema de alumeado público coa renovación de 4.000 puntos de luz e un orzamento de 2,1 millóns.
Abel Caballero inaugurou a humanización do parque María Xosé Queizán, cunha transformación da zona “máis agradable para a cidadanía”. O alcalde anunciou que “haberá licitación e obra para o tramo final da Avenida García Barbón ata Sanjurjo Badía”.
Abel Caballero avanzou que o Concello solicitará 3,5 millóns de euros para rehabilitar os pazos de Raposeira e de Castrelos. A Xunta de Goberno aprobou a solicitude destes fondos ao Ministerio de Transportes, Mobilidade e Axenda Urbana.
Así trasladoullo o alcalde á presidenta do Sárdoma F.C., Begoña Aldao, coa que mantivo unha xuntanza na Alcaldía. "Imos arranxar unha esquina do terreo que ten un pequeno desprendemento e non cimenta ben. Tamén melloraremos os vestiarios e poremos máis luz no entorno", declarou Abel Caballero ao término da reunión.
Abel Caballero mantivo unha xuntanza con representantes da Confraría de Bouzas, que organiza as festas do barrio vigués. O Concello incrementará dos 18.000 aos 50.000 euros a achega para a celebración das festas do Cristo dos Aflixidos. Deste xeito, as festas súmanse á programación de festividades de Vigo para que goce toda a cidadanía.
O Concello iniciou este luns os percorridos didácticos pola ría de Vigo cos que os escolares de 6º de Primaria poderán “afondar no coñecemento” do medio mariño grazas ao programa municipal.
O alcalde Abel Caballero presentou esta mañá o directo que a orquestra, nada no seo da ETRAD, ofrecerá o sábado 12 de maio como apertura da súa xira de aniversario. As entradas para o concerto, que será no Teatro García Barbón, en formato acústico e sen amplificación están á venda na plataforma web www.ataquilla.com