luns, 2 maio 2022

O goberno local mellorará as instalacións do campo do Sárdoma F.C.

luns, 2 mai 2022

Así trasladoullo o alcalde á presidenta do Sárdoma F.C., Begoña Aldao, coa que mantivo unha xuntanza na Alcaldía. "Imos arranxar unha esquina do terreo que ten un pequeno desprendemento e non cimenta ben. Tamén melloraremos os vestiarios e poremos máis luz no entorno", declarou Abel Caballero ao término da reunión.

O Concello incrementa a súa achega ás festas de Bouzas

luns, 2 mai 2022

Abel Caballero mantivo unha xuntanza con representantes da Confraría de Bouzas, que organiza as festas do barrio vigués. O Concello incrementará dos 18.000 aos 50.000 euros a achega para a celebración das festas do Cristo dos Aflixidos. Deste xeito, as festas súmanse á programación de festividades de Vigo para que goce toda a cidadanía.