O alcalde de Vigo destaca que exclúen, entre outros, o AVE Vigo-Madrid por Cerdedo, a autovía Vigo-Porriño, a biblioteca do Estado e a conexión da avenida de Buenos Aires co centro da cidade.
Abel Caballero anunciou este xoves a solicitude extraordinaria de becas de comedor e libros para os escolares vigueses. Sumadas ás de Foanpas, finalmente o número de becas concedidas polo Concello este curso ascende a 4.512 e supón un investimento de 1,94 millóns de euros.
Abel Caballero anunciou este xoves o inicio das obras do novo pavillón de deportes da rúa Romil, que terá un orzamento de 2,19 millóns e un prazo de execución de 11 meses. "A rúa Romil non podía seguir soportando a situación calamitosa dun inmoble terrible, é un cambio substancial", sinalou o alcalde.
Abel Caballero solicita aos alcaldes da área sanitaria que convoquen tamén aos cidadáns para apoiar a convocatoria, que partirá de Vía Norte ás 8 da tarde o próximo xoves 12 de abril. Lamentou, entre outros aspectos, as inmensas listas de agarda, o peche de camas ou o aparcamento de pago.
Abel Caballero participou esta mañá na presentación da V edición do Certame de relatos Vigo Históricos promovido pola Editorial Elvira coa colaboración municipal. O prazo para a recepción dos traballos comeza mañá 6 da abril e finalizará o 1 de xullo.
A sesión deste xoves do Pleno da Corporación deu lectura ao texto, unha declaración institucional promovida pola Fundación Secretariado Xitano co acordo dos tres grupos políticos con representación municipal. A concelleira de Políticas de Benestar, Isaura Abelairas, foi a encargada da súa lectura.
Vigo será o primeiro concello en contar cun sistema de pictogramas para sinalar as dependencias municipais máis significativas de xeito que se favoreza a accesibilidade das persoas con autismo. Froito da colaboración coa Fundación Menela, Caballero avanzou que ademais da labor informativa, esta iniciativa ten por obxectivo concienciar sobre as necesidades do colectivo.
A moción do Partido Popular saíu adiante cos votos a favor dos tres grupos municipais instando ao goberno local a acordar cos representantes dos traballadores unha adecuación retributiva "xusta" e que "remate coa discriminación" existente entre as retribucións de policías e bombeiros da cidade.
Presentada pola concelleira de Transportes, Ángeles Marra, a moción saíu adiante cos votos do PSOE e de Marea, e a abstención do Partido Popular. O Concello insta á Xunta de Galicia a tramitar o convenio comprometido co goberno de Vigo para a posta en marcha dun bus directo entre a cidade e o seu aeroporto, tal e como subvenciona en Santiago con 340.000 euros anuais.
O Pleno deste xoves tomou coñecemento do perímetro de consolidación e marcos orzamentarios para o periodo 2019-2021, o punto de partida para as contas do Concello do próximo ano, co emprego, a política social e a transformación da cidade como eixos. Vigo, primeira cidade en iniciar a tramitación.
Anunciado polo alcalde o pasado luns, este xoves o Pleno acordou a creación deste ente administrativo independente, que nace cos obxectivos de achegar a administración ao cidadán, aumentar as garantías dos licitadores e gañar en axilidade e eficacia.
Abel Caballero destacou hoxe o valor didáctico do programa "Vigo historia 2018: A Reconquista" no que participarán ata mañá 6 de abril uns 350 estudantes de diferentes centros de Vigo. Esta iniciativa divulgativa está deseñada para achegar a estudantes de Primaria aos fitos históricos que se celebran nesta festa.
Con motivo dos Días Europeos da Artesanía, na EMAO, Escola Municipal de Artes e Oficios do Concello de Vigo realizarase unha xornada de Portas Abertas o venres 6 de abril dende as 10 horas.