O goberno local sacou adiante esta mañá unha amortización de débeda de 10,7 millóns de euros financiada con remantentes de tesourería. Esta decisión, que contou co apoio do PP, permitirá aforrar costes financeiros e "adicar máis fondos aos vigueses e aos seus problemas", explicou a tenente de alcalde e concelleira de Facenda, Carmela Silva.
A plataforma galega de afectados pola Hepatite C reclamou un "compromiso orzamentario" por parte da Xunta para dotar de contido o plan estratéxico que ven de anunciar o Goberno central. Así o manifestaron as súas voceiras, Xulia Alonso e Julia Llopis nunha intervención no Pleno de Vigo.
Todos os grupos apoiaron esta mañá unha modificación orzamentaria de 3,4 millóns para continuar coas obras de remodelación de Balaídos. A tenente de alcalde e concelleira de Facenda, Carmela Silva, defendeu esta rehabilitación moi necesaria "nun dos buques insignia da cidade".
O Pleno da Corporación celebrado este luns deu luz verde a dúas mocións impulsadas polo grupo socialista instando ao goberno autonómico a arranxar as estradas da súa competencia e a executar un plan de infraestruturas en Vigo comprometido hai seis anos.
Os grupos da Corporación deron luz verde a unha moción nacionalista que insta á Xunta a constituír os concellos de saúde para cumprir coa participación social e territorial da cidadanía. O texto do BNG lembra que as partidas adicadas á sanidade pública diminuiron nun 12% desde o ano 2009.
O Pleno celebrado este luns debatiu sobre a recuperación por parte do Concello do programa "Noites Vivas", creado no 2000 e cancelado no ano 2008, dirixido á xuventude. A maioría dos concelleiros propuxeron esta mañá a súa recuperación, mais actualizado ás necesidades actuais da mocidade viguesa.