Abel Caballero informou desta decisión, adoptada pola Xunta de Goberno Local, de aprobar o expediente de contratación das obras de reforzo de capa de rodadura de Pizarro -entre a Praza de España e Vázquez Varela-, os laterais da Avenida de Madrid e os túneles da Praza de España e de Martínez Garrido. O orzamento é de 800.000 euros.
Caballero indicou este venres que os 290 bolseiros do Concello -alumnos de 3º de ESO- partirán finalmente a Irlanda o 21 de novembro e a Inglaterra os días 25 e 26 do próximo mes, para completar a súa estadía dun mes en inmersión no estranxeiro. O rexedor explicou que estas datas, elixidas cos responsables dos principais centros educativos, son axeitadas desde o punto de vista académico.
Polo seu 50º aniversario, a Cooperativa de Armadores de Pesca de Vigo organiza desde este venres unha serie de degustacións nos mercados do Calvario, Teis e Travesas, ademáis de na área metropolitana viguesa, servindo pratos elaborados con especies de captura. Durante as xornadas se entregarán a consumidores e vendedores material gráfico da campaña e distintas recetas.
Abel Caballero e Susana Rodríguez Gacio asinaron este venres un convenio de colaboración polo cal a paratriatleta internacional terá acceso gratuito á piscina e o ximnasio municipais das Travesas. O goberno local apoia así a viguesa, que se está a preparar para poder competir nos xogos de Río 2016.
A Concellería de Igualdade abre o prazo de inscrición para o obradoiro " PAUTAS PARA EXERCITAR E MELLORAR A AUTOESTIMA" de carácter gratuíto que se impartirá na Casa as Mulleres. As prazas son limitadas e cubriranse por orde de inscrición.