Segundo informou Caballero, a Xunta de Goberno Local realizou a clasificación de ofertas para traballos de mellora en 22 rúas da cidade, por importe total de 1.768.000 euros. O alcalde reiterou que "continuamos coas humanizacións masivas na cidade de Vigo, que non se van deter".
O alcalde cualifica de "disparate" a posibilidade de trasladar aos usuarios do centro ocupacional de San Francisco. Así o trasladou hoxe xoves aos medios de comunicación logo de manter un encontro con responsables da asociación.
Os profesionais que manteñen o progreso tecnolóxico e da automoción daránse cita durante dous días en Vigo participando no XIX Congreso de Calidade na Automoción. No Centro Social Afundación daranse cita hoxe e mañá venres os principais fabricantes do mundo.
O alcalde mantivo unha reunión este xoves con Nacho Armesto e Patricia Ibarra, organizadores do evento, tras a cal Caballero explicou que será un evento "importantísimo" sobre automatización industrial que exhibirá tecnoloxía implementada en Vigo. O Congreso terá lugar do 3 ao 7 de novembro no Auditorio do Centro Social Afundación.
A Pinacoteca Municipal, a Casa das Artes e a Casa Galega da Cultura abrirán este 18 de outubro de 10 a 14 horas en horario de mañá e de 17 a 21 horas de tarde, aproveitando a escala en Vigo do maior crucero do mundo. Esta decisión do goberno local súmase ás actividades culturais, turísticas e lúdicas xa programadas para este sábado.