A Xunta de Goberno resolveu este luns o expedente expropiatorio das casas da parte baixa da rúa, unha "demanda histórica da cidade" que dará paso á humanización de Celso Emilio Ferreiro, á construción dunha rotonda na confluencia con Venezuela e Camelias e a recuperación da ladeira do Castro.
O concelleiro de Cultura e Animación Sociocultural, Xesus López, destacou na presentación do concerto de Juan Perro, que terá lugar o día 5 de agosto no Peirao de Trasatlánticos (22:30 horas), que "Santiago Auserón chega cunha selección de catro albums históricos, temas antigos que estivo pulindo nos últimos anos e que veñen cargados de aires mestizos da Habana e de Nova Orleáns".
Abel Caballero mantivo este luns un encontro coa Asociación Provincial de Empresas da Construcción (APEC), no que consideraron que Vigo é a "excepción positiva" da edificación en Galicia, pois é a única urbe galega co 100% do planeamento urbanístico aprobado e con ámbitos en desenvolvemento. Por iso, a construcción "relanzarase" por enriba de Galicia cando a economía se recupere, inidicou o alcalde.
Abel Caballero e a Mancomunidade de Montes pasaron revisión este luns á situación do cinto verde vigués cara á prevención de incendios no verán. Ademais, estudaron propostas como a utilización de biomasa para calefacción nas instalacións municipais e o aproveitamento "turístico e paisaxístico" dos montes e os seus miradores.
O Circo Acuático, un novo concepto de circo, estará instalado na cidade viguesa (Avenida de Castelao) entre os días 7 e 30 de agosto. O concelleiro de Cultura e Animación Sociocultural, Xesus López, presentou hoxe xunto ao director do circo, Manuel González, este novo concepto de circo, que está ambientado nun maxestoso acuario con 50.000 libros de auga, pero tamén haberá malabares, pallasos, acróbatas... "É un circo innovador, dirixido a todas as idades, respetuoso co medioambiente, sensitivo, multicultural....", explicou o concelleiro de Cultura.
O tenente de alcalde, Santi Domínguez, viaxará mañá á cidade francesa de Lorient para coñecer de primeira man a organización do seu Festival Intercéltico, adicado na edición deste ano a Galiza. Segundo o tenente de alcalde, é unha "inmellorable ocasión para coñecer a fondo a organización dun festival de tanta tradición como o de Lorient e posteriormente desenvolver na nosa cidade iniciativas das que alí se levan a cabo".
O equipo de Policía e Bombeiros que compite nos xogos mundiais xa ten a súa primeira medalla de prata, conseguida polo bombeiro Alberto Costas na carreira de 10.000 metros. Outro resultado conseguido foi o cuarto posto de Fernando Lorenzo en natación en 50 metros na modalidade bolboreta.
A Semana Grande das Festas de Vigo chega a todos e todas e por iso tamén os máis pequenos da casa terán o seu lugar de xogos e deportes pero onde tamén manterán unha cita coa cultura. Desta forma, mañá comezará o Castro Cativo, o parque infantil lúdico-deportivo, que animará as tardes das e dos máis cativos ata o próximo día 14 de agosto.