O alcalde reuníuse este xoves co presidente da Comisión Organizadora co Comité Executivo de World Fishing Exhibition, que celebrarase en Vigo entre o 16 e o 19 de setembro. Rusia, Malaisia, India, Corea do Norte e do Sur, China, Lituania, Turquía ou Tailandia acudirán, por primeira vez como expositores, ao evento.
O tenente de alcade de Vigo, Santi Domínguez, e o alcalde de Lorient, Norbert Metairie, reafirmaron hoxe a súa vontade de afondar no irmanamento entre as dúas cidades, segundo aseguraron tras a xuntanza que mantiveron esta mañá no Concello da cidade bretona, na que tamén participou o concelleiro de Cultura, Xesus López. O tenente de alcalde explicou que este afondamento no irmanamento se concretará en actuación conxuntas en materia de turismo, economía, cultura, deportes e educación.
A Regata Rías Baixas disputarase este ano dende o 14 ao 18 deste mes nas rías de Vigo, Pontevedra e Arousa. Organizada polo Real Club Náutico, a proba foi presentada no Corte Inglés, que é un dos patrocinadores da competición decana das regatas estatais.
O Maratón Fotográfico de Vigo, que terá lugar o domingo 9 de agosto, xa conta con máis de cen inscritos a falta de tres días para o peche da preinscrición. Un ano máis, a Agrupación Fotográfica Galega é a responsable da organización da XIV edición do marathón, que está incluida no programa de actos da Semana Grande das Festas de Verán 2009.