Abel Caballero remitiu este mércores unha carta ao conselleiro de Medioambiente, Infraestruturas e Territorio, Agustín Hernández, instándolle a "acelerar" a entrega das máis de 350 vivendas protexidas en marcha en Navia -de competencia municipal- e pediulle asemade unha entrevista para iniciar o desenvolvemento das fases 3,4 e 5 do polígono.
Abel Caballero visitou este mércores os traballos de mellora da rúa, cun 40% xa executado, e adiantou que en outubro estará rematado o treito entre a Praza da Industria e Severo Ochoa e ao mes seguinte, o restante. A obra, "unha das máis emblemáticas da cidade", custa 3,5 millóns de euros e manterá o doble sentido e o aparcamento.
A novena edición de "O Marisquiño", que terá lugar os días 8 e 9 de agosto na chaira do Náutico de Vigo, introducirá novidades para seguir medrando e chegar a máis xente, segundo subliñou na presentación a concelleira de Xuventude, Iolanda Veloso. Se o ano pasado alcanzaron os 30.000 espectadores e 450 participantes, na edición deste ano xa contan con 700 participantes e esperan superar o número de espectadores.
O grupo Los Secretos suspende o concerto previsto para o sábado 8 de agosto, segundo informa nun comunicado enviado hoxe, debido a unha lesión do guitarrista. Pese a imposibilidade de realizar o concerto na Semana Grande de Vigo, os integrantes de Los Secretos móstranse dispostos a buscar unha data alternativa nos meses de outono.
Os representantes nos Mundiais de Policías e Bombeiros que se están a celebrar en Vancouver (Canadá) acadaron na xornada de onte martes a súa primeira medalla de ouro na modalidade de 2.000 metros remo. Nos catro días de competición, o equipo colleitou un total de sete metais -un ouro, catro pratas e dous bronces- en tres disciplinas distintas.