Escoitar

Vigo, sede oficial do torneo preolímpico de boxeo

Vigo é sede oficial do torneo preolímpico de boxeo "BOXAM-Galicia 2007" que se disputa do 20 ó 27 de maio no pavillón de As Travesas , así como en Cangas, Pontevedra e Ourense. O torneo forma parte das actividades da Federación Internacional de Boxeo Amateur e é puntuable para os Xogos Olímpicos.

luns, 21 mai 2007
1179748811boxeo.jpg
O BOXAM é un dos máis importantes torneo de boxeo olímpico de Europa e un dos máis prestixiosos do mundo. Creouse en España e disputase a súa XXIII edición.

A participación é de máis de 200 persoas, procedentes de 15 países, entre deportistas, técnicos, médicos e dirixentes.

Acompañando ás diferentes seleccións veñen, en calidade de delegados, varios presidentes nacionais e aproveitando a súa estancia celebraranse varias reunións de carácter internacional.

Na selección española hai dous púxiles galegos: Pedro Fernández de Vigo na categoría dos pesos pesados e Xesús Xan Ferreiro de A Coruña nos semipesados.

O acto inaugural e primeira velada eliminatoria é o día 21 de maio no pavillón de As Travesas de Vigo. O día 22 terá lugar a segunda velada de oitavos e cuartos de final no polideportivo de Cangas. O día 23 o palacio de Deportes de Pontevedra acollerá a primeira quenda de semifinais. O día 24 será no palacio de Deportes de Ourense a segunda tanda de semifinais, e a final terá lugar o día 26 no pavillón de As Travesas de Vigo.
Descargar todas as imaxes