A alcaldesa, Corina Porro, presentou este venres a programación das Festas do Cristo 2007, que teñen como pratos fortes as actuacións de Julieta Venegas, os Artic Monkeys e Paulina Rubio no Auditorio de Castrelos e, como principais novidades, o Festival Internacional de Música Electrónica e o Festival "Galicia Exprés", dedicado ás últimas propostas dos novos artistas galegos.
<br /> O Concello de Vigo aprobou tres convenios de colaboración por importe de 138.000 euros para a posta en marcha de distintas actividades da Asociación de Familiares de Enfermos de Alzheimer de Galicia, dos Hernamos Misioneros de Enfermos Pobres e de Alborada.
Despois de percorrer con grande éxito varias prazas e rúas da cidade, o sábado 26 de maio, o programa de animación de rúa da Concellería de Xuventude "Emprázate" despedirase na Praza do Emigrante (Coia), para o que está previsto un espectáculo cabaret circense.
Os alumnos dos cursos para persoas maiores de Adestramento da Memoria e Informática organizados pola Concellería de Benestar Social recibiron este venres os seus diplomas de mans da alcaldesa, Corina Porro.
O luns inícianse as sesións formativas do "Seminario de Planificación empresarial" que organiza o Concello de Vigo dentro do Programa de apoio á creación de empresas no que participan máis de 20 persoas e que se celebra de 9 a 14 horas no CITIC.
A percusionista viguesa Lucía Martínez actua o sábado día 26 de maio coa ESMAE, dentro do ciclo Imaxina na rúa do Festival de Jazz IMAXINA SONS'07.