A cidade quere albergar a fase de ascenso de balonmán á Liga Nacional
Caballero recibiu con agrado a proposta do Balonmán Seis do Nadal, que manifestou a importancia que tería para o equipo vigués xogar a fase de ascenso á Liga Nacional na súa cidade. "O equipo masculino vai participar na fase de ascenso á categoría Nacional e eu quero darlles todo o apoio para que a fase de ascenso sexa en Vigo, desde o Concello pagariamos a cota á Federación. Cremos que ten un gran interese para o Seis do Nadal e que continúen tanto os equipos masculinos e femininos cos seus ascensos", afirmou en rolda de prensa.
