Abel Caballero afirma que Vigo ten "a presión fiscal máis baixa das cidades galegas"
O alcalde informou hoxe luns de que a presión fiscal en Vigo, atendendo aos ingresos municipais, é de 741 euros por persoa, un 24% menos que en A Coruña e un 38% inferior á de Santiago. O Concello pechou 2012 cun 2% de superávit e cunha presión fiscal un punto inferior ao do ano anterior.
"A presión fiscal caeu en Vigo no último ano case un punto", indicou Abel Caballero hoxe luns ante os medios de comunicación, pois o goberno local aplicou a "algunhas taxas e impostos" un 2,1% do IPC de abril cando o índice anual acadou o 3%. O alcalde recordou que o goberno local non aplicou ningunha suba ás tarifas municipais do autobús urbano e da auga.
O socialista detallou que, en base aos ingresos dos concellos, a presión fiscal de Vigo é de 741 euros por habitante, en Pontevedra é un 4% máis, na Coruña un 24% superior, un 26% en Lugo, un 30% en Ourense e un 38% máis en Santiago de Compostela. Por outra banda, Caballero indicou que o Imposto de Bens Inmobles (IBI) en Vigo ascende a 312 euros, polos 342 de Coruña e os 463 da capital de Galicia.
O alcalde engade á "capacidade de manter unha certamente baixa presión fiscal" de Vigo as "elevadas" bonificacións e exencións fiscais que aplica o Concello de Vigo e a conxelación dos prezos para as escolas municipais -infantís, musicais...-. Ademais, o goberno de Vigo pechou 2012 cun superávit do 2% e un endebedamento de 24,9%, datos que falan da "solidez financeira" do Concello e fan posible afrontar os próximos orzamentos municipais cunha "razoable tranquilidade", segundo Caballero.
Descargar todas as imaxes
O socialista detallou que, en base aos ingresos dos concellos, a presión fiscal de Vigo é de 741 euros por habitante, en Pontevedra é un 4% máis, na Coruña un 24% superior, un 26% en Lugo, un 30% en Ourense e un 38% máis en Santiago de Compostela. Por outra banda, Caballero indicou que o Imposto de Bens Inmobles (IBI) en Vigo ascende a 312 euros, polos 342 de Coruña e os 463 da capital de Galicia.
O alcalde engade á "capacidade de manter unha certamente baixa presión fiscal" de Vigo as "elevadas" bonificacións e exencións fiscais que aplica o Concello de Vigo e a conxelación dos prezos para as escolas municipais -infantís, musicais...-. Ademais, o goberno de Vigo pechou 2012 cun superávit do 2% e un endebedamento de 24,9%, datos que falan da "solidez financeira" do Concello e fan posible afrontar os próximos orzamentos municipais cunha "razoable tranquilidade", segundo Caballero.