Como un "hito na historia de Vigo", así definiu o alcalde o proxecto da nova Cidade Deportiva do Celta que se prevé construir en Valadares e que o próximo venres 15 arrancará na Xerencia de Urbanismo. A presentación desta iniciativa reuniu hoxe xoves no Concello ao rexedor, a concelleira de Urbanismo, así como ao presidente do Celta, Carlos Mouriño e outros responsables da entidade deportiva.
O alcalde mantivo este mércores unha reunión coa Federación de Autónomos de Galicia, entidade que estuda Vigo como sede dunha feira no mes de abril do próximo ano, posiblemente a celebrarse cada ano. Abel Caballero indicou que hai "moitas posibilidades" de que se celebre na cidade.
Abel Caballero recibiu hoxe mércores esta proposta do arquitecto Jesús Irisarri, que encabeza o equipo que valora organizar en Vigo unha reunión de arquitectos -procedentes de universidades chinesas- sobre proxectos relacionados co entorno. O alcalde aseguroulle "apoio total" do goberno local de ser viable a iniciativa.
Do 7 ao 10 de marzo celebrase a décima segunda edición do Festival Alternativo das artes escénicas ALT'13 en distintos espazos de xestión municipal: auditorio municipal, Casa das Artes e salón de actos do MARCO. O festival está organizado pola Asociación Cultural Noescafé Teatro.
Baixo o lema "os dereitos das mulleres son os dereitos do mundo", a Concellería de Igualdade e mailo Consello Municipal da Muller de Vigo organizan unha serie de actividades e actos na cidade, con motivo da conmemoración do 8 de marzo, Día Internacional das Mulleres.