venres, 7 mar 2014
Na Xerencia de Urbanismo desta mañá deuse conta do inicio do procedemento para enaxenar as 40 vivendas municipais de Rosalía de Castro un proceso que, segundo explicou hoxe o rexedor, estará rematado en tres meses e os pisos sairán á venda a partir dese momento. As superfices oscilan entre os 76 e os 113 m2 e os prezos van desde os 120.490 e os 204.595 euros. O importe desta venta usarase para mercar os terreos que se cederán á Xunta para construir a Cidade da Xustiza.
mércores, 5 mar 2014
A tenente de alcalde, Carmela Silva, destacou hoxe que Vigo "é unha cidade legal, na que se acabaron as irregularidades urbanísticas "herdadas" de épocas pasadas que poñían en risco o patrominio público e a seguridade das persoas que investían os seus cartos en vivendas declaradas ilegais polos tribunais. Enfatizou que nos últimos sete anos regulouse a situación de case mil vivendas "pola vía de impoñer aos infractores o cumprimento da norma".
martes, 4 mar 2014
O Concello de Vigo ven de asinar un convenio para promover un concurso de ideas entre a Escola de Arquitectura de Galicia e a cidade china de Harbín para buscar solucións ao edificio da Artística. Así o explicou hoxe o segundo tenente de alcalde, Carlos López Font, durante a inaguración da exposición que exhibirá as mellores propostas de rehabilitación da Panificadora, froito do certame internacional de arquitectura SC2013 Spain-China, que tamén contou co aval municipal.
venres, 28 feb 2014
O Concello inicia este venres os traballos de derrubo do edificio, que estarán concluidos en tres meses, e prevé habilitar no mesmo espazo unha zona verde, segundo indicou Abel Caballero, co que eliminará un obstáculo visual importante.
venres, 28 feb 2014
O alcalde anunciou hoxe venres o inicio do procedemento para adxudicar por concurso dous pisos municipais en Teixugueiras a familias con discapacidade e renda inferior a 1,5 veces o IPREM. En 15 días estarán listas as bases para abrir, sete días despois, o prazo de inscripción. O Concello alugará sen coste as vivendas por 24 meses.
mércores, 26 feb 2014
Abel Caballero deu conta hoxe mércores do informe asinado pola concelleira de Urbanismo, Carmela Silva, dando vía libre ao proxecto de acondicionar o espazo dos silos diseñado pola Autoridade Portuaria. O rexedor remarcou a trascendencia do cable na historia da cidade, lembrando que que a mediados do século XIX, mentres o resto de España se rexía pola hora solar, "en Vigo xa funcionábamos ao minuto".
venres, 21 feb 2014
A Xerencia de Urbanismo deu conta da licencia concedida ao Consorcio do Casco Vello de Vigo para proceder ao derrubo parcial dunha edificación en Subida ao Castelo. O alcalde informou desta autorización, contemplando ademais a reestructuración do edificio para volver ao seu estado orixinal.
