O segundo tenente de alcalde, David Regades, recordou que o "Plan de abastecemento de auga para Galicia" da Xunta, do ano 2013, recolle a necesidade de construir unha nova potabilizadora, que incluso figura orzamentada. O Concello esixe á Xunta que "cumpra o comprometido" e asuma as súas competencias, pois a do Casal potabiliza auga para Vigo, Cangas, Moaña e Redondela.
A auga de Vigo segue a ser 100% potable, tal e como indican as últimas analíticas realizadas das que esta mañá deu conta o alcalde. En rolda de prensa, precisou que o Concello non comezou a baldear aínda que a presa xa está por riba da súa capacidade e ten que ser baleirada.
O alcalde de Vigo asegurou esta mañá que Vigo tería auga para 180 ou 190 días se a Xunta tivera construído o transvase comprometido no ano 2011 e se concedera o caudal ecolóxico hai dous meses, a primeira vez que o reclamou o Concello. Respecto da calidade da auga, insistiu en que á de Vigo é 100% potable, aclarando que está ao mesmo nivel que a de Redondela ou a de O Porriño, territorios nos que as potabilizadoras están controladas por Augas de Galicia.
Caballero ratificou que o Concello pagará a construción do transvase desde o río Verdugo á rede de suministro de auga de Vigo e da comarca, pese a ser competencia "inequívoca" da Xunta: "ímonos facer cargo de todo aquel custo que a Xunta de Galicia non asuma, non imos entrar sequera en discusións, o único que lles exisimos é celeridade", asegurou.
Foi un dos acordos acadados na reunión de onte coa Conselleira Beatriz Mato, que tamén se comprometeu a decretar o caudal ecolóxico este venres para aforrar auga. O rexedor vigués manterá unha xuntanza mañá mércores cos municipios que se abastecen da presa de Eiras para analizar a situación.
O rexedor reitera ao goberno autonómico a petición de construír o azud entre os ríos Verdugo e Oitavén para ter máis caudal na présa de Eiras, dada a situación de emerxencia na que se atopa a cidade.
O rexedor explicou que a alerta activada pola seca inclúe "atención, prudencia e aforro" e demanda á Xunta de Galicia a construción dunha acometida para derivar auga dos ríos Verdugo e Oitavén á présa de Eiras.
O encoro de Eiras está ao 56,47%, seis puntos sobre o "difícil" ano 2011, asegurou este venres Caballero, quen anunciou que "temos tranquilidade" mais, ante a previsión de dúas semanas sen chuvias, o Concello reduce os regos en xardíns e suprime desde hoxe os baldeos, rego e limpeza de rúas con auga potable.
O alcalde enviou esta mañá unha mensaxe de tranquilidade sobre o abastecemento de auga en Vigo sinalando que este está garantido ata o mes de xaneiro. Segundo avanzou, a presa de Eiras está ao 61% e a de Zamáns ao 56%.
Caballero referiuse este mércores ao traballo elaborado pola organización de consumidores, que analiza a tarifa da auga nas 53 principais urbes e sitúa a Vigo entre as máis baratas. Ademais, o alcalde puxo en valor que, co prezo da conexión e do mantemento do servizo, se regalan trinta metros cúbicos de auga aos usuarios.