O próximo 15 de maio organízase a III Andaina polos montes de Vigo, cun percorrido de case 39 quilómetros distribuidos en tres itinerarios con diferente lonxitude e dificultade. Esta iniciativa forma parte do programa "Camiño a Camiño" que xa conta con máis de 8.000 participantes.
Vigo contará un verán máis con 9 bandeiras azúis, ademais de manter o recoñecemento de sendeiro azul para o "Camiño de Beiramar". Este ano, como novidade, tamén reciben este recoñecemento medioambiental a "Senda entre Faros nas Illas Cíes" e a "Senda litoral e do Monte da Guía".
Vigozoo acollerá campamentos de fin de semana para nenos de entre 8 e 12 anos para realizar actividades ao aire libre relacionadas cos animais. Cun custo de 20 euros, o período de preinscrición xa está aberto e finalizará o 3 de xuño.
A concelleria de Medio Ambiente organiza quedadas de fin de semana en Vigozoo os meses de abril, maio e xuño. Tratase dunha actividade destinada a menores de entre 8 a 12 anos que se inicia o sábado ás 16:00 horas e remata o domingo ás 13:00 horas. Cun prezo de 20 euros inclúe cea, almorzo e pernocta nas instalacións do albergue e na nova cabaña de Vigozoo.
Na mañá deste venres apareceu unha mancha de hidrocarburos en augas do Lagares, en concreto na lagoa onde nace o río, que recibe auga de Redondela. O alcalde informou de que tanto a brigada municipal de medio ambiente como a Policía están contendo con barreiras a vertedura para evitar a súa expansión mentres se estuda a procedencia da mesma.
O Concello pon en marcha unha vez máis os cursos de formación para poder traballar en calquera das cinco hortas urbanas existentes na actualidade e ás que se vai sumar unha máis en Ramón Nieto. Outra das novidades deste ano será a incorporación de alumnos de Down Vigo que van traballar na de Sardomela.
Entre febreiro e xuño, o programa municipal de educación ambiental ofrecerá rutas, hortas urbanas, voluntariado medioambiental e cursos de formación. O Concello suma novidades, como acampadas nas Cíes, rutas pola Ribeira Sacra, unha nova horta-escola en Ramón Nieto, o acondicionamento de tres novos sendeiros locais e formación sobre vida saudable.
No Día Mundial das Zonas Húmidas, Abel Caballero visitou o da Bouza, un dos sete cos que conta a cidade, que estes días coñecen os escolares vigueses e salientou o traballo de recuperación destes espazos de gran valor ambiental por parte do seu goberno. <br />
O alcalde coñeceu esta mañá o instrumental que adquiriu o Concello para que o persoal de desinfección e de bombeiros poidan actuar contra a avespa asiática sen riscos. Concretamente, adquiríronse dez traxes perfectamente dotados para que os profesionais continúen loitando contra unha praga que está a causar unha "verdadeira hecatombe medioambiental".
O rexedor participou este xoves pola mañá na presentación do autobús ambiental de Iberdrola e dun vehículo eléctrico cos que a empresa amosa o seu compromiso co transporte sostible e a súa política medioambiental e de xeración de enerxías limpas. Abel Caballero declarou que Iberdrola "ten no Concello de Vigo un cooperador necesario" neste labor de promoción das enerxías renovables, apuntando que para o goberno local esta é tamén unha prioridade; razón pola que, dende hai cinco anos, o coche do alcalde é un eléctrico.