O HALO rexistrou 4.786.896 viaxeiros desde o 1 de xaneiro. Caballero afirmou que Vigo conta cun servizo de transporte municipal pero tamén reivindicou a mobilidade a través de ramplas e escaleiras mecánicas e ascensor. Con motivo desta celebración o alcalde tamén se achegou a unha exposición de vehículos eléctricos.
O Concello de Vigo presenta a Programación de educación medioambiental Camiño a Camiño para o período setembro-outubro 2025, no que se combina percorridos medioambientais, con hortas urbanas, voluntariado medioambiental e cursos de formación.
Organizada polo Organismo Autónomo de Parques Nacionais e Afundación; co apoio do Concello e Grupo Tragsa; e realizada por Lunwerg, a mostra a pé de rúa «Parques Nacionais» revaloriza o traballo de conservación realizado nestas contornas e a súa importancia para o futuro da nosa biodiversidade. En total, reúne 93 impactantes imaxes, gañadoras ou finalistas do concurso nacional de fotografía FOTOPARQUES, que nos achegan a algúns dos lugares e detalles máis sorprendentes destes espazos naturais. A exposición poderase contemplar na rúa do Príncipe ata o próximo 30 de setembro.
Abel Caballero avanzou esta mañá que a Xunta de Goberno aprobará o proxecto construtivo e de execución do parque canino de Barreiro por un importe de 168.787 euros.
O comité asesor do Plan de Emerxencia Municipal, dirixido polo alcalde, reuniuse por segunda vez para dar conta do dispositivo de vixilancia e acción da Policía Local e os bombeiros de Vigo durante a fin de semana. O goberno local xa ten preparado un pavillón por se houbera que atender á cidadanía no caso de producirse un incendio. No mediodía deste luns sae un novo retén con 5 efectivos de bombeiros de cara á zona afectada polos lumes.
O comité asesor do Plan de Emerxencia Municipal, dirixido polo alcalde, reuniuse este xoves para establecer o dispositivo de atención ante o que poida suceder cos lumes pedindo colaboración cidadá “ante calquera sospeita”.
O Concello vén de investir máis de 153.000 euros na renovación completa do parque infantil situado en Lavadores, que conta con espazo de xogo e unha zona de intercambio de libros.
O Goberno de España vén de conceder ao Concello de Vigo a práctica totalidade do importe solicitado para o proxecto que “contempla integrar a monitorización, vixilancia e control en tempo real” do Ciclo da Auga.
O alcalde informou este martes do desenvolvemento de dúas campañas para fomentar a separación dos residuos e para aprender o uso correcto do contedor marrón entre a cidadanía.
A Xunta de Goberno Local vén de dar luz verde á contratación do servizo de limpeza e mantemento dos camposantos e á contratación da coordinación de seguridade e saúde das obras de renovación da piscina de Teis.