No Auditorio Mar de Vigo entregouse esta mañá o primeiro premio do concurso de ideas para deseñar o ascensor de García Barbón. O alcalde avanzou antes en rolda de prensa que esta infraestrutura será un “gran” complemento para o edificio de Vialia, deseñado por Thom Mayne.
O Concello iniciou a tramitación para ordenar e recuperar a fachada marítima de Bouzas amparándose nunha disposición transitoria da Lei de Costas. Con ese obxectivo, o goberno local tratará de modificar o Plan Especial de Bouzas para regularizar unha situación que desde o ano 2006 afecta a 24 parcelas.
“Estamos en situación de licitar, necesitamos recursos, uns 22,5 millóns, pero xa enviei o proxecto á Xunta, hai un ano que o ten, e antes de licitar ten que dar o visto e prace Sanidade, levamos un ano esperando, é un importante atraso”, sinalou Abel Caballero
O alcalde avanzou este xoves que a Xunta de Goberno Local do Concello de Vigo aprobou o contrato de coordinación de seguridade e saúde para as obras de reforma da grada de Marcados. A reforma comezará en marzo e o prazo de execución da obra é de 18 meses.
Abel Caballero informou de que o goberno local xa reservou unha cantidade de 600.000 euros dos fondos de remanentes para construír o segundo aparcamento gratuíto do Hospital Álvaro Cunqueiro.
En dous anos aproximadamente estará funcionando o ascensor que unirá García Barbón con Vía Norte, segundo avanzou o alcalde o día no que se constituíu o xurado encargado de elixir a proposta gañadora entre as sete aspirantes no concurso de ideas. O orzamento total do proxecto elévase a 7,2 millóns de euros.
Con 1,9 millóns de investimento, o Concello comezou este martes os traballos de remodelación da praza e da Baixada á Estación, que se prolongarán durante seis meses. A actuación inclúe a reconstrución do frontal de pedra da antiga terminal ferroviaria, inaugurada a finais do século XIX.
O rexedor reuniuse este xoves con Arsenio Prieto, xerente do Recinto Feiral de Vigo, quen lle dixo descoñecer os proxectos do goberno autonómico para as instalacións. Amais, adianta que convocará unha reunión con Conxemar nos vindeiros días para abordar a situación da ampliación do recinto.
Unha laminadora acomete desde este luns os cortes do paso elevado sobre Alfonso XIII, que finalizará a súa desmontaxe o 31 de xaneiro. Ao lado, Abel Caballero anunciou que esta semana arrancan as obras de humanización da Praza da Estación, cun orzamento de 1,9 millóns.
O Concello xa enviou a súa alegación ao recheo que a Autoridade Portuaria proxecta en Bouzas advertindo de que o necesario crecemento do espazo portuario é posible sen un só recheo máis na Ría. O alcalde avogou en rolda de prensa por accións como o actual silo para coches, que permite multiplicar a superficie útil por catro sen causar dano algún ao medio ambiente.