O alcalde felicitou ás autoras dunha revista que mostra os canons de beleza impostos ás mulleres en diferentes momentos da historia desde un enfoque de xénero. Esta publicación foi elaborada por tres alumnas do IES de Coruxo.
“Rachemos cos mitos da violencia” é o lema que este martes reuniu a 625 alumnos de 13 centros docentes de Vigo que participan no “EnlazaVigo contra a violencia de xénero”, o acto central do programa municipal organizado en conmemoración do 25N “Día Internacional de eliminación da violencia contra a muller”. O alcalde defendeu un “Vigo, libre das violencias machistas”.
A moción socialista, que reclama tamén implementar as accións contempladas no Pacto de Estado, foi aprobada na sesión ordinaria deste luns cos votos en contra do grupo municipal popular e a abstención dos nacionalistas.
Rosario Otero, presidenta da Asociación Rede de Mulleres Veciñais contra os malos tratos de Vigo foi a encargada de ler este luns no Pleno Municipal a declaración institucional con motivo do Día Internacional da eliminación da violencia contra a muller
A fachada principal do Concello mostra desde hoxe a pancarta xigante coa mensaxe central do Día Internacional para a Eliminación da Violencia contra as Mulleres: "Rachemos as cadeas que nos oprimen". A despregadura da lona contou coa presenza do alcalde e das concelleiras do Goberno de Vigo, así como das compoñentes do Consello Municipal da Muller. Durante o mes de novembro o Concello desenvolve un extenso programa de actividades culturais e de reflexión, que concluirán o día 28 de novembro.
O alcalde presentou hoxe, coa primeira tenente de alcalde, a concelleira de Igualdade e as integrantes do Consello Municipal da Muller, o programa de actividades organizadas para conmemorar o 25N, o “Día Internacional da Eliminación da Violencia contra a Muller”, que este ano ten por lema “Rachemos as cadeas que nos oprimen”. Caballero avanzou que Vigo despregará, desde mañá e ata o 28 de novembro, “as accións máis importantes” organizadas nas cidades galegas.
A terceira edición de “VigoFem” despregará, desde o martes 14 ao domingo 19 de outubro, cinco citas culturais protagonizadas por mulleres. “Pretendemos poñer en valor a capacidade transformadora da cultura protagonizada por mulleres poñendo no foco a cultura e as mensaxes que as mulleres queremos trasladar á sociedade”, explicou a tenente de alcalde, na presentación do programa coordinado por Isabel Blanco.
Caballero cifrou en 256 as persoas beneficiadas das políticas de emprego local. 84 delas foron contratadas ou melloraron a súa situación laboral mentres que 172 traballadores e traballadoras formarán parte do cadro de persoal de entidades sen ánimo de lucro de Vigo. A Xunta de Goberno tamén aprobou subvencións a clubs que fomenten o deporte feminino.
Abel Caballero avanzou o nomeamento como Viguesa Distinguida de Rosa Fontaíña, fundadora da Rede de Mulleres Contra os Malos Tratos. O alcalde fixo este anuncio esta mañá no hotel Coia durante a homenaxe á traxectoria dunha muller comprometida coa loita contra a violencia de xénero na nosa cidade.
O Concello abriu o prazo de inscrición para as actividades organizadas entre setembro e decembro na Casa das Mulleres e no Centro de Documentación e Recursos Feministas de Vigo.