luns, 15 mai 2017
Caballero, xunto ao concelleiro Santos Héctor Rodríguez, recibiu este luns ao equipo universitario, que perfila a nova tempada despois de ter competido co seu monoplaza nos circuitos de Autodrom Most (República Checa) e Montmeló (España). O rexedor felicitou á escudería e confirmou o apoio do Concello de cara aos novos que afronta. <br />
<br />
luns, 15 mai 2017
O goberno local renovou esta mañá o compromiso que mantén co funcionamento da Federación Olívica de Asociacións de Nais e Pais de Alumnos de Vigo e Comarca (Foanpas). O convenio, que ascende a 606.032 euros, permitirá subvencionar bolsas de comedor e actividades extraescolares.
venres, 12 mai 2017
Abel Caballero deu conta esta mañá da publicación da lista provisional de admitidos no programa "Vigo en inglés 2017". Grazas a unha mellora da empresa adxudicataria o número de prazas se eleva ás 667, unha cifra próxima ao número de solicitudes, que foron 750 aproximadamente.
mércores, 10 mai 2017
Abel Caballero felicitou aos participantes nas VII Xornadas de teatro organizadas esta mañá no Auditorio Municipal. Os alumnos, procedentes dos centros Mestres Goldar, Canicouva e Seis do Nadal, representaron as seguintes obras, respectivamente: "Por culpa de un pokemon", "Restaurante fartuco" e "O que fai o meu Bieito sempre vai ben feito". <br />
venres, 5 mai 2017
O alcalde explicou que o goberno de Vigo asumirá as obras de humanización, cun orzamento de 250.000 euros, ante a falta de resposta da Xunta para arranxar un "gravísimo problema de seguridade".
venres, 5 mai 2017
O alcalde cualificou a interculturalidade como un valor social fundamental durante a súa participación nunha xornada organizada esta mañá no Ceip García Barbón baixo o proxecto "Contigo convivo".
martes, 2 mai 2017
O Centro de Oceanografía de Vigo do Instituto Español de Oceanografía desenvolve diferentes obradoiros no MARCO dirixidos a escolares vigueses como parte das actividades coas que celebran o seu centenario. Abel Caballero estivo coñecendo de preto como as nenas e nenos se achegan á ciencia e ao labor científico de forma didáctica e entretida e felicitou ao persoal do Oceanográfico pola iniciativa.
venres, 21 abr 2017
Abel Caballero saudou este venres a un grupo de 16 alumnos de Bacharelato procedentes dos Estados Unidos que están realizando un intercambio co Colexio Miralba e que pasarán as dúas próximas semanas coñecendo a cidade e a súa contorna e mellorando o seu coñecemento do idioma. O rexedor deulles a benvida a Vigo e desexoulles unha feliz estancia e aprendizaxe na "cidade máis fermosa do mundo, na cidade da economía e do emprendemento".
martes, 18 abr 2017
O Concello inviste este ano máis de 1,5 millóns de euros en obras de mellora en distintos centros de infantil e primaria de Vigo. Caballero salientou os 600.000 euros adicados á cubrición dos patios dos colexios Virxe do Rocío, Carballal e Canicouva.
venres, 31 mar 2017
O rexedor recibiu este venres no Concello ao alumnado dos IES Politécnico de Vigo e o IES Calvario que realizan un intercambio escolar co College Blaise-Pasca de Saint Flour en Anvergne, en Francia, que visitaron as instalacións municipais. Abel Caballero deulles a benvida á cidade e referiuse a esta acción educativa como un exemplo da unidade de Europa, poñendo en valor o papel da xuventude no irmandamento dos diferentes países do vello continente. Ademais, destacou a importancia das relacións económicas e comerciais de Vigo con Francia coa industria do automóbil como principal baluarte.