martes, 20 feb 2018
Abel Caballero desprazouse este martes ata os Maristas – Colexio El Pilar, onde o Concello de Vigo, a través da Policía Local, ofrece formación en educación viaria aos escolares do nomeado centro. O rexedor tamén foi entrevistado polo alumnado para o periódico do colexio.
xoves, 8 feb 2018
O rexedor achegouse esta mañá ao colexio Alba no que a Policía Local estaba a impartir un curso para formar ao alumnado en seguridade viaria. A continuación, o alcalde coñeceu as instalacións do centro educativo.
mércores, 7 feb 2018
O alcalde visitou está mañá o Ceip Pintor Laxeiro para coñecer de cerca o proxecto educativo Queres coñecer Vigo comigo? Ao longo do percorrido polas instalacións, nas que se forman preto de 500 alumnos, o rexedor eloxiou a calidade educativa do centro.
mércores, 7 feb 2018
Abel Caballero relatou que os beneficiarios cursarán estudos en Londres, París, Berlín, Roma, Lisboa, Toquio e Pequín. O Concello outorga este ano 842 bolsas de inglés para estudantes de Secundaria e da Escola de Idiomas, para o que adica case dous millóns de euros.
venres, 26 xan 2018
Abel Caballero compartiu coa comunidade educativa do Ceip Canicouva a xornada de celebración do 50 aniversario do centro nun acto no que participaron alumnos, ex alumnos e profesores e antigos docentes. O alcalde, durante a súa intervención, destacou a necesidade de investir no ensino público e avanzou que o Concello cubrirá o patio de recreo.
venres, 19 xan 2018
O alcalde visitou este venres un centro "cunha calidade asistencial e educativa extraordinaria", co que o Concello de Vigo coopera, por exemplo, coa cubrición da pasarela e melloras en caldeiras e baños. Tras felicitar ao profesorado, Caballero valorou unha educación pública "coa mesma ou máis calidade" que a concertada.
mércores, 17 xan 2018
Abel Caballero deu conta esta mañá da contratación do programa "Vigo en inglés" que permitirá gozar dunha bolsa de inmersión lingüística a 842 estudantes. O investimento desde 2018 elévase a case 2 millóns de euros o que permitirá que este ano viaxen 100 alumnos máis que o ano pasado.
martes, 16 xan 2018
Abel Caballero visitou este martes o Colexio San Xosé da Guía e realizou un percorrido polas aulas e instalacións do centro escolar. Alumnos de Infantil e dos ciclos formativos relataron ao rexedor as actividades nas que traballan, entre outros o programa interxeracional "A viaxe de Carlota" xestionada por Afaga. O colexio pertence á Congregación das Servas de San Xosé e con cun total de 480 alumnos e 35 traballadores repartidos en 19 aulas.
xoves, 11 xan 2018
Abel Caballero saudou no Salón de Plenos a un grupo de estudantes do Colexio Mestres Goldar que, acompañados por profesores, visitaron este xoves as dependencias municipais da Praza do Rei dentro do programa "Coñece o teu Concello", co que o goberno local quere achegar a institución a toda a cidadanía. Así os máis pequenos tiveron a oportunidade de facerlle preguntas ao alcalde sobre a súa responsabilidade á fronte da cidade.
martes, 26 dec 2017
Abel Caballero manifestou estar "moi satisfeito co convenio e coa decisión" da Fundación de facer estes investimentos en Vigo, nunha parcela que cederá o Concello e que está situada en Bembrive.