martes, 24 out 2017
A quinta edición da Carreira Solidaria pola Esclerose Múltiple celebrarase este domingo en Bouzas (11:00 horas) e a súa novidade, unha andaina de 5 quilómetros, está a ter enorme aceptación. Así o anunciaron hoxe o concelleiro de Deportes, Manel Fernández, e o presidente de Avempo, Miguel Ángel Sánchez, en rolda de prensa xunto coa logopeda da asociación, Paula Alonso.
luns, 23 out 2017
As esferas que resultaron defectuosas na malla da cuberta de Río serán substituídas tan pronto como sexa posible, unha vez que a empresa recibiu a orde para fabricalas de novo. Nestes momentos, os técnicos estudan a fórmula idónea para repoñelas de forma que a grada estea operativa o antes posible con todas as garantías.
mércores, 18 out 2017
O alcalde de Vigo, Abel Caballero, recibiu hoxe a unha representación da organización do XXII Cross Escolar Castro San Miguel, que se vai disputar este domingo (10:00 horas) no parque de Castrelos coa organización da Agrupación Deportiva Castro San Miguel e o patrocinio do Concello de Vigo, ademais de varias empresas privadas.
martes, 10 out 2017
Todo a cidade está invitada a participar o próximo 22 de outubro, ás 10,00 h, na V edición da carreira Vigo contra o cancro. Esta mañá, durante a presentación en rolda de prensa, o alcalde eloxiou unha cita deportiva solidaria que xa conta con máis de 600 inscritos.
martes, 10 out 2017
O alcalde de Vigo, Abel Caballero, participou hoxe na presentación da XVIII Semana do Atlántico Cidade de Vigo de vela, unha serie de probas na ría, pero tamén en Portugal, "que distinguen á cidade e colócana no lugar onde sempre debe estar nos deportes de mar, dixo.
luns, 9 out 2017
Abel Caballero recibiu este luns á ciclista viguesa, que vén de proclamarse este verán Campioa de España na modalidade contrarreloxo en categoría cadete feminino. A proba tivo lugar o pasado 8 de xullo en Ávila, un día antes de obter amais un meritorio sétimo posto na proba en ruta.
luns, 9 out 2017
O alcalde presentou hoxe luns a cuarta edición do Trail Montes de Vigo, un evento que apoia o Concello e que organiza a Mancomunidade de Montes de Vigo dende 2014. Ás 8:00 horas do vindeiro sábado 14 comezará a proba coa saída do ultra trail (68 quilómetros) e do trail longo (37 kms.), para trinta minutos despois comezar o trail curto (25 kms.) e a andaina.<br />
venres, 6 out 2017
Caballero e Silva asinaron esta mañá a addenda ao convenio de Balaídos polo que o organismo provincial sumará 1.250.000 euros aos máis de seis millóns que xa ten investidos nas obras do de reforma do estadio. Esta achega servirá para rehabilitar as gradas de Marcador e de Río, ademais de construír un aparcamento de 1.000 prazas.
luns, 2 out 2017
O goberno de Vigo vén de resolver a convocatoria de subvencións de Igualdade para promocionar o deporte feminino, programa creado este ano con 27.000 euros que paulatinamente irá incrementando a súa dotación, segundo asegurou Caballero. 56 clubs deportivos resultaron beneficiarios este ano.
mércores, 27 set 2017
A Deputación de Pontevedra achegará 1.250.000 euros máis para licitar os proxectos de reforma das gradas de Marcador e Gol, ademais dun aparcamento de 1.000 prazas en Balaídos. En próximas días, Abel Caballero e Carmela Silva asinarán unha addenda ao convenio de colaboración que tamén incluirá a renovación dos asentos de Río Baixo.
