O alcalde de Vigo, Abel Caballero, anunciou hoxe que a Gala do Deporte de Vigo e a súa Comarca, aprazada o pasado 11 de marzo, celebrarase este vindeiro mércores día 5 ás 20:30 horas nos xardíns do Pazo-Museo Quiñones de León
Abel Caballero visitou este venres o segundo campus que se desenvolve no pavillón municipal das Travesas onde un centenar de nenas e nenos desenvolveron ao longo da última semana actividades deportivas de diferentes disciplinas. O rexedor felicitounos polo éxito da experiencia e recalcou a importancia de que se realizase sen incidencias coas normas de seguridade da nova normalidade. Lembrou tamén que o Concello oferta este verán 3.000 prazas nos campamentos infantís e outras actividades didácticas e de ocio.
Abel Caballero informou este mércores de que a Xunta de Goberno Local do Concello de Vigo aprobará na súa sesión do xoves contratos por valor de 554.000 euros para reformar dous novos campos de fútbol o de A Guía e o de Fragoselo. O alcalde sinalou que o investimento en campos da cidade supera os 6 millóns.
O alcalde apunta que se retoma a acción cultural e divulgativa nestes espazos coas limitacións precisas para garantir as condicións sanitarias. Toralla acollerá catro recitais de música clásica e en Finca Solita soará música de violonchelo, fagot, percusión ou guitarra
Abel Caballero recibiu este luns na Alcaldía de Vigo ás xogadoras do Bembrive Fútbol Sala feminino que lograron ascender o pasada mes á categoría nacional por segunda vez na súa historia. O rexedor felicitou ao equipo e comprometeu o apoio do Concello durante esta nova etapa na 2ª División na que competirá con clubs de País Vasco, Castilla-León, Navarra, Asturias e Cantabria
A Xunta de Goberno Local aprobou este xoves o expediente de contratación por procedemento aberto da obra no Estadio Municipal de Balaídos que financiarán ao 50% o goberno de Vigo e a Deputación de Pontevedra. A previsión é poder licitala no mes de novembro e o prazo de execución da obra é de 18 meses.
Abel Caballero asistiu este mércores á presentación do novo escudo do Club de Baloncesto Seis do Nadal de Coia, celebrado no exterior do Pazo Quiñones de León. O rexedor trasladou a súa felicitación ao equipo directivo do Club que exemplifica a forma de entender a modernidade co seu “mecanismo promocional, educativo e deportivo nos seus equipos de baloncesto” que, ao seu entender é unha mostra do carácter de Vigo que é “cada vez máis unha cidade de deporte con valores profundos e sólidos”
Vigo recupera Motorocasión, o derradeiro evento no recinto ferial de Ifevi cando se declarou o estado de alarma en marzo, e que volve agora para cumpri-lo seu cometido de reactivación de sector do automóbil de segunda man ou seminovo.
Unha trintena de entidades deportivas participaron no encontro virtual para abordar o presente e futuro deste sector.. Nestes momentos o goberno municipal está a tramitar as achegas do ano en curso, unha vez que xa se abonaron as axudas aos deporte de elite.
O alcalde anunciou este martes que propoñerá o nomeamento do atleta vigués de “traxectoria exemplar” para que reciba o recoñecemento da cidade. O Concello prepara o acto de entrega dos premios para comezos do vindeiro mes de xullo.