Abel Caballero e Susana Rodríguez Gacio asinaron este venres un convenio de colaboración polo cal a paratriatleta internacional terá acceso gratuito á piscina e o ximnasio municipais das Travesas. O goberno local apoia así a viguesa, que se está a preparar para poder competir nos xogos de Río 2016.
O Concello cede gratuitamente as instalacións do Instituto Muncipal dos Deportes a nove entidades sociais e deportivas da cidade para que poidan desenvolver a súas actividades físicas. O rexedor asinou hoxe martes os convenios con estes colectivos para o que o Concello realiza unha exención de preto de 35.000 euros.
O alcalde pasou revisión este venres ás obras de reforma nas pistas, nas que o Concello investiu 145.000 euros. Abel Caballero amosou a súa satisfacción pola remodelación no recinto deportivo, que se suma ás melloras realizadas na pista do parque de Castrelos.
Mil trescentos atletas, nacidos entre 1999 e 2011 (dende os 3 aos 15 anos de idade), inundarán este domingo de zapatillas deportivas Castrelos a partires das 10:00 horas. Será o momento para a participación "dun número moi significativo de rapaces e rapazas", sinalou o alcalde de Vigo, Abel Caballero, na presentación do evento no Concello.
O alcalde de Vigo, Abel Caballero, definiu a Semana do Atlántico Cidade de Vigo-XXXIX Trofeo Martín Barreiro, como un evento de "Vigo en estado puro, do Vigo da navegación, da vela, de Ría, do Real Club Náutico e do seu traballo inestimable". O xefe do goberno municipal realizou estas declaracións durante a presentación do evento nos salóns da centenaria sociedade, onde estivo acompañado polo concelleiro de Deportes, Manel Fernández, e doutras autoridades.<br />
Por vez primeira dende que é Supercopa, o Gran Premio Internacional Cidade de Vigo de judo verá en Navia a máis de trescentos deportistas de cinco países (España, Portugal, Alemaña Suecia e Italia) e de dezaséis comunidades autónomas. O alcalde da cidade, Abel Caballero, aplaudiu hoxe o traballo da Federación Galega de Judo "por este Gran Premio, pero tamén pola acción que fai no deporte de base", dixo o rexedor.
Caballero subliñou que case 3.000 xogadores de 228 equipos competirán esta tempada 2014/15 nalgunha das modalidades deportivas desta nova edición de Vigo en Xogo: fútbol 7, fútbol sala e baloncesto. O rexedor amosou o seu "recoñecemento" á organización e participantes polo seu "esforzo e entusiasmo" ao longo de todo o ano.
Abel Caballero, alcalde de Vigo, e Isidoro Hornillos Baz, presidente da Federación Galega de atletismo, asinaron esta mañá un convenio de colaboración para o desenvolvemento de diferentes actividades deportivas nas pistas municipais de atletismo de Balalaidos.
O alcalde de Vigo, Abel Caballero, e o concelleiro de Deportes, Manel Fernández, recibiron hoxe en Alcaldía aos e ás medallistas do Comesaña Sporting Club, a entidade atlética decana en Galicia, máis antiga que a propia Federación Galega de Atletismo. <br />
O alcalde de Vigo presentou esta mañá o II Torneo Concello de Vigo de padel que regresa o calendario deportivo da cidade tras dous anos de ausencia. <br /> Disputado no outono de 2012, agora retómao unha nova entidade, o Club de Pádel Barreiro.<br />