venres, 20 abr 2018
Este Mapa Literario de Vigo é un proxecto que nace dende a Bilioteca Pública Municipal Xosé Neira Vilas e co se quere amosar a importancia da nosa cidade dentro da literatura. Pretendeses que sexa un proxecto vivo que vaia medrando cos novos títulos que aparezcan e que teñan como espazo as rúas da nosa cidade; tamén que sexa un traballo colectivo no que quen queira colabore para completalo, indicando algún título que quedou atrás ou sumando algunha nova parada ou localización que non estea incluída ou se vaia creando.
xoves, 19 abr 2018
O alcalde participou esta mañá na inauguración de Xulio Verne. Os límites da imaxinación, unha mostra que permanecerá aberta no MARCO ata o próximo 16 de setembro. Na súa intervención, o alcalde lembrou que esta exposición chega a Vigo cando se cumpren 150 anos desde a achegada do capitán Nemo e do Nautilus á cidade.
mércores, 18 abr 2018
O escritor Francisco Castro, autor de "Barricadas de Sal", será o encargado de guiar este sábado aos participantes nunha nova ruta literaria polos barrios de Vigo. Enmarcada no proxecto "Historias para coñecermos Vigo", os interesados poden inscribirse a través do teléfono 010.
venres, 13 abr 2018
O Centro de Artesanía Tradicional -C.A.T.- programa para os meses de maio e xuño os cursos de "pasamanería" e " cestería en colmo". O prazo de inscrición remata o 20 de abril e realizarase no Museo Liste ( rúa Pastora,22)
venres, 13 abr 2018
O alcalde animou á cidade a acudir á homenaxe a Pepe Longueira organizada mañá sábado no Auditorio Municipal, ás 19,00 h, con entrada libre ata completar aforo. En rolda de prensa o alcalde eloxiou a capacidade creativa un compositor de música popular "excepcional". <br />
xoves, 12 abr 2018
As responsables da Asociación Arte y Filigrana de Vigo presentaron co alcalde de Vigo este evento, que se celebrará no pavillón das Travesas este sábado, desde as 11 ata as 20 horas. Segundo explicaron na presentación, máis de 400 palilleiras de toda Galicia, Salamanca e Madrid daranse cita en Vigo.
xoves, 5 abr 2018
Abel Caballero participou esta mañá na presentación da V edición do Certame de relatos Vigo Históricos promovido pola Editorial Elvira coa colaboración municipal. O prazo para a recepción dos traballos comeza mañá 6 da abril e finalizará o 1 de xullo.
venres, 23 mar 2018
O alcalde e a presidenta da Deputación participaron esta mañá na CEP na inauguración da exposición "Nado en pedra. Formas e figuras" da Escola de Canteiros da Deputación. Son 18 pezas de tamaño e temática variada que se poderán visitar ata o próximo 15 de maio.
xoves, 22 mar 2018
Caballero anunciou hoxe xoves que a actuación de Maná, o próximo 23 de xullo en Castrelos será outra das citas musicais programadas dentro de Vigo en festas. En declaracións aos medios, reiterou que a cidade contará este verán con dez grandes concertos entre os que tamén estarán Joan Manuel Serrat e Raphael.
luns, 19 mar 2018
Abel Caballero presentou esta mañá a segunda edición do Concurso Internacional de piano Cidade de Vigo. Organizado pola Asociación de Música Clásica de Galicia, o certame se desenvolverá entre o 24 e o 28 de febreiro con participantes de 31 países