mércores, 1 out 2008
Co obxectivo de sensibilizar a cidadanía sobre a enfermidade do alzheimer a Casa das Artes acolle dende hoxe e ata o vindeiro 10 de outubro a exposición itinerante "Xente De Mente". Na presentación da mostra, o concelleiro de Cultura, Xesus López, salientou a importancia de desenvolver iniciativas como esta, xa que na cidade de Vigo existen arredor de 5.000 persoas diagnosticadas con esta enfermidade.<br />
<br />
martes, 30 set 2008
As XVIII Xornadas de Filosofía centrarán esta nova edición no debate e análise da trioloxía que forman "Sociedade, economía e ideoloxía", e que da nome as sesións de traballo que se desenvolverán do 14 ao 17 de outubro na Fundación Caixa Galicia. Este ano participarán nas xornadas destacadas figuras do pensamento contemporaneo como Aurelio Arteta, Manuel Atienza, Salvador Giner, Jesús Zamora, Jesús Mosterín, Emilio Llano de Espinosa, Fernando Vallespín e Xosé Luis Barreiro Rivas.
venres, 19 set 2008
O Marco inaugura a mostra colectiva colectiva ‘A GRANDE TRANSFORMACIÓN. Arte e maxia táctica’ que se pode visitar desde o día 19 de setembro ata o 11 de xaneiro. A exposición reúne preto dunha trintena de pezas, entre fotografías, vídeos, películas, instalacións, pezas escultóricas, e a performance Feedback - Jack of Many Trades, do grupo de artistas Ride.1, que terá lugar na xornada inaugural.
xoves, 18 set 2008
O MARCO, Museo de Arte Contemporánea de Vigo, deu a coñecer a programación que terá lugar nos próximos meses: exposicións temporais, concertos e festivais, programación audiovisual, programación didáctica, cursos e talleres, actividades da Biblioteca-Centro de Documentación e da Agrupación de Amigos do MARCO, entre outras actividades.
xoves, 18 set 2008
O festival Sinsal inicia o venres a súa edición de outono coa actuación dos norteamericano Vic Chesnutt e Elf Power no Centro Cultural Caixanova. O concerto comezará ás 21.00 horas con entrada de 10 euros; desconto do 50% para estudantes e membros da comunidade universitaria de Vigo.
mércores, 17 set 2008
O xoves día 18 de setembro terá lugar no museo Verbum Casa das Palabras, a mesa redonda "O 68 Compostelán e as súas Consecuencias", última mesa na que os participantes comentarán a influencia que tivo este movemento nas súas vidas.
martes, 16 set 2008
O festival Sinsal inicia o vindeiro venres a súa edición de outono coa actuación dos norteamericano Vic Chesnutt e Elf Power no Centro Cultural Caixanova. O concelleiro de Cultura, Xesús López, salientou na presentación o importante papel que este certame xoga no ámbito cultural da cidade, xa que todos os artistas é a primeira vez que actúa en Vigo.
luns, 15 set 2008
Esta semana é a última na que permanecerá aberta ao público a exposición ‘O MEDIO É O MUSEO’, un proxecto dos novos comisarios galegos Pedro de Llano e Pablo Fanego, coproducida polo MARCO de Vigo e o Koldo Mitxelena Kulturunea de San Sebastián, que dende o 20 de xuño ocupa as salas da planta baixa, e que se clausura o domingo 21 de setembro.
venres, 12 set 2008
Ata o día 1 de novembro, os artistas galegos ou residentes en Galicia, menores de 36 anos, poden presentar os seus proxectos expositivos, pensados para a Sala B da Fundación Laxeiro, e participar así na convocatoria das Bolsas á creación artística que convoca a Fundación Laxeiro co patrocinio da Fundación Feima.
xoves, 11 set 2008
O concelleiro de Cultura, Xesús López, anunciou hoxe que o programa municipal "Vigo a escena" premitirá que os barrios e parroquias da cidade gocen con 39 actuacións teatrais ata que remate o ano. O concelleiro salientou que con esta iniciativa se presigue o dobre obxectivo de "democratizar a oferta cultural, achegándoa a toda a cidadanía", ao tempo que apoiar as compañías teatrais da cidade".