xoves, 1 out 2009
A nova programación de "Vigo a escena", que se desenvolverá nos meses de outubro, novembro e decembro, integra un total de 36 actuacións que serán representadas en 22 auditorios diferentes, segundo salientou este xoves o concelleiro de Cultura na presentación do programa. Xesus López indicou que esta nova edición comezará este sábado, 3 de outubro, coa representación de "Chicho e a santa Compaña" a cargo de Lambríaca Produccións, no auditorio do Conservatorio de Música Profesional da Florida.
xoves, 24 set 2009
O museo Verbum – Casa das Palabras retoma os obradoiros didácticos. Para este domingo 27 están programadas unha sesión de monicreques para nenos e nenas a partir dos 5 anos.
xoves, 24 set 2009
Esta é a derradeira semana na que permanecerá aberta ao público a exposición de Santiago Sierra, que se clausura este domingo 27 de setembro na planta baixa. Con este motivo, o sábado e domingo proxectarase no salón de actos o vídeo consistente nunha charla de José Luis Velasco, dirixente da CNT, baixo o título ‘Para os traballadores sempre hai crise’, que forma parte do proxecto de Santiago Sierra para o MARCO.
luns, 21 set 2009
A partir do mércores 7 de outubro, comezarán no MARCO tres novos cursos para adultos, impartidos por Ana Pereira Molares, e destinados a persoas interesadas en coñecer de primeira man os principais movementos e autores da historia da arte contemporánea.
luns, 21 set 2009
O concelleiro de Cultura, Xesus López, e o edil de Deportes, Xabier Alonso, presentaron este luns unha nova edición do programa "Camiña e coñece", que o vindeiro domingo, 27 de setembro, percorrerá a parroquia de Saiáns. Nas súas intervencións, os concelleiros lembraron que o obxectivo desta iniciativa, para a que non é preciso inscribirse previamente, consiste en potenciar o desenvolvemento de hábitos saudabeis ao mesmo tempo que fomentar o coñecemento do patrimonio cultural de Vigo e os seus barrios e parroquias.
luns, 14 set 2009
Un avance das actividades que terán lugar no MARCO, Museo de Arte Contemporánea de Vigo, nos vindeiros meses: exposicións temporais, programa educativo, visitas, cursos e talleres, concertos e festivais, programación audiovisual, Festa 7º aniversario, actividades da Biblioteca-Centro de Documentación e da Agrupación de Amigos do MARCO, entre outros eventos.<br />
xoves, 10 set 2009
A exposición retrospectiva que a Fundación Caixa Galicia dedica en Vigo a Maruja Mallo, a artista plástica máis relevante da historia da arte galega e española do século XX, será inaugurada na tarde do xoves, polo alcalde de Vigo, Abel Caballero, o conselleiro de Cultura da Xunta de Galicia, Roberto Varela, o director de Proxectos da Sociedade Estatal de Conmemoracións Culturais, Xosé Luis García Canido, e o director xeral de Caixa Galicia, José Luis Méndez. <br />
<br />
A mostra reúne na Casa das Artes viguesa, ata o vindeiro día 10 de xaneiro, 142 pezas que conforman "a maior e máis exhaustiva retrospectiva dedicada á gran transgresora da xeración do 27", segundo sinalou a directora da Fundación Caixa Galicia, Teresa Porto, na rolda de prensa de presentación da exposición.
mércores, 9 set 2009
O museo Verbum - Casa das Palabras inaugura a exposición temporal "Ramón Piñeiro, olladas no futuro" o xoves 10 de setembro ás 20 horas nas dependencias do museo.A exposición recrea a personalidade dunha das figuras máis representativas e influentes de Galicia da segunda metade do S.XX que puxo a súa vida ao servizo da reconstrución da identidade de Galicia e da dignificación da súa cultura.
xoves, 3 set 2009
A Casa das Artes acolle unha exposición pictórica de Celso Varela co título "Dende a miña fiestra" que se poderá visitar do 3 de setembro ó 12 de outubro.A mostra está organizada pola concellería da Área de Cultura e Animación Sociocultural. <br />
<br />
xoves, 20 ago 2009
O Circo Acuático "The Cirkid", que está instalado na Avenida de Castelao dende o día 7 de agosto, xa recibiu a visita de 10.500 persoas nas primeiras 16 funcións. "The Cirkid", que aposta por un novo concepto de circo no que se aposta polas novas tendencias e intenta cubrir as necesidades do ocio infantil, enfronta os últimos días da súa presencia en Vigo, xa que rematará o próximo día 30 de agosto.
