O vindeiro venres 10 de maio inaugurarase na Fundación Laxeiro (3º andar da Casa das Artes, r/ Policarpo Sanz, 15), coa colaboración da Concellería de Cultura e Festas, a exposición "Espiñas coroadas", do artista Lito Portela (Moaña, 1958), que amosa a súa reflexión sobre a natureza, as persoas e o estranamento destas ante o mundo que nos rodea e nos acolle.
O alcalde, Abel Caballero, e Avelino Muleiro, por parte do grupo organizador Aletheia Vigo, presentaron este martes unha nova edición das Xornadas de Filosofía, que acollerá o Auditorio Municipal do 8 ao 10 de maio baixo o lema "Albíscase unha nova etapa histórica? Claves para abordar o futuro".
A Concellería de Cultura e Festas e mailo grupo Aletheia-Vigo organizan as XXI Xornadas de Filosofía, que terán lugar no Auditorio Municipal do Concello os días 8, 9 e 10 de maio, de 16,30 h a 21,00 h. As xornadas, baixo o título "Albíscase unha nova etapa histórica?". Claves para abordar o futuro", contarán con conferencias sobre o progreso moral, a crise, as reformas do mercado laboral e o desemprego, etc. Os conferenciantes serán Javier Muguerza, Jesús Mosterín, Francesc de Carreras, Antón Costas Comesaña, Ubaldo Martínez Veiga e Félix Ovejero Lucas.
O martes 7 de maio, ás 20,00h, terá lugar no Auditorio Municipal do Concello (Praza do Rei, 1), un concerto de piano a catro mans a cargo de Lilya Zilberstein e Pablo Galdo, que conta coa colaboración da Concellería de Cultura e Festas.
O alcalde rubricou este xoves sendos convenios coa Asociación de Corais Polifónicas de Vigo (ACOPOVI) e coa Federación de Bandas de Música Populares de Vigo, 150.000 euros en total para "apoiar o funcionamento das corais e das bandas", que involucran a máis de 3.000 persoas na cidade.
Programa completo de "VIGO, UN MAR DE BANDAS 2013", fruto do convenio de colaboración entre o Concello de Vigo e maila Federación de Bandas de Música Populares de Vigo.
O alcalde de Vigo lembrou hoxe venres a aportación de Fermín Penzol á cultura de Vigo e de toda Galicia durante a inauguración da exposición "Fermín Penzol, unha obra para un país". Esta mostra homenaxe poderá visitarse ata o 26 de maio na Casa Galega da Cultura.
A Concellería de Cultura e Festas e mailo Conservatorio Superior de Música de Vigo (CMUS), seguindo coa liña de colaboración iniciada hai dous anos, organizan a Semana de Música de Cámara, que terá lugar entre o 29 de abril e o 3 de maio.
A Alameda de Bouzas, a zona peonil do Calvario, a Praza do Emigrante, Sanjurjo Badía con Enrique Lorenzo e Montero Ríos son os escenarios nos que actuarán o domingo a partir das 12,00 horas once grupos de danza tradicional da cidade. Estes espectáculos forman parte da programación coa que o Concello conmemora o día Mundial da Danza.
A Fundación Penzol, con sede na Casa Galega da Cultura (Praza da Princesa, 1), inaugura este venres día 26 de abril, ás 12,30h, na súa sala de exposicións da planta baixa, a exposición "Fermín Penzol. Unha obra para un país", concebida como unha conmemoración, unha homenaxe de lembranza comunitaria a este grande mecenas galeguista. A exposición permanecerá aberta ao público ata o 26 de maio.