venres, 22 abr 2005
A concelleira de Benestar Social, Marta Iglesias e o xefe de servizo do Vicerreitorado de Extensión Universitaria, Ricardo Corderí Salgado, recibiron ao colectivo de persoas maiores da Asociación Ledicia de Beade que realizaron unha visita ao campus vigués. Esta actividade forma parte dun programa de colaboración entre as dúas institucións de visitas guiadas destinadas a grupos de persoas maiores da cidade.
luns, 18 abr 2005
A concelleira de Benestar Social, Marta Iglesias, presentou un curso dedicado á áxilidade mental e outro centrado na figura do coidador, ambos os dous para persoas maiores. Nove asociacións participarán, de abril a xuño, nesta iniciativa.
mércores, 13 abr 2005
A delegada de Benestar Social, Marta Iglesias e o presidente da Asociación de Xordos de Vigo, Miguel Ángel González Lloves, asinaron o convenio de colaboración entre esta Asociación e o Concello de Vigo, por sétimo ano consecutivo, para continuar co servizo de intérpretes de lingua de signos.<br />
venres, 8 abr 2005
A concelleira de Participación Cidadá, Réxime Interior e Benestar Social, Marta Iglesias, mantivo onte xoves unha reunión coas asociacións de estranxeiros que hai en Vigo, na que se acordou iniciar unha serie de charlas informativas para inmigrantes e emigrantes retornados, así como unha campaña contra o racismo nos colexios.
xoves, 7 abr 2005
A Unidade de Alcoholismo de Vigo, Asvidal, instalou unha mesa informativa na Lonxa do Concello con motivo do Día Mundial da Saúde e que pretende advertir dos riscos de beber durante o embarazo.
luns, 4 abr 2005
A Xunta de Goberno Local aprobou un convenio entre o Concello e a Asociación de Xordos de Vigo polo que o Concello achegará 15.785,58 euros para poñer a disposición das persoas xordas un intérprete de lingua de signos.
xoves, 10 mar 2005
O Concello de Vigo acolle ,o venres, a primeira xuntanza do 2005 da Rede Municipal Solidaria (RMS), integrada na área de Pontevedra por case trinta concellos que desenvolven políticas de cooperación ao desenvolvemento nos países do Sur e que forman parte do Fondo Galego de Cooperación e Solidariedade. A reunión estará presidida pola nova delegada de Benestar Social, Marta Iglesias, e terá lugar ás 11 horas na sala de comisións do Concello de Vigo.
luns, 7 mar 2005
A Comisión declarou zonas saturadas de ruídos as rúas Compostela, Inés Pérez de Zeta, Areal, Rosalía de Castro, Churruca, Teófilo Llorente, Martín Códax e Rogelio Abalde.
martes, 1 mar 2005
A Concellería de Benestar Social colabora coa Cruz Vermella ofrecendo dúas unidades móbiles para atender as persoas sen teito durante a vaga de frío destes días. As unidades móbiles repartirán mantas, bebidas quentes e comida. Ademais, os que o desexen recibirán aloxamento.
venres, 25 feb 2005
A delegada de Benestar Social, Marta Iglesias, mantivo o venres unha primeira reunión de contacto con representantes de colectivos de persoas con discapacidade e de Vitrasa co fin coñecer as necesidades do transporte adaptado.