Durante os días 14, 15, 16 e 17 de decembro terá lugar a IX edición da campaña "DE BOA MAN", de divulgación de productos realizados por persoas con discapacidade. A campaña promovida pola concellería de Benestar Social e financiada pola Obra Social de Caixa Galicia, estará instalada na rúa Príncipe, esquina Velázquez Moreno.
Voluntarios da Asociación Española contra o Cancro (AECC) celebraron hoxe luns o Día Mundial do Voluntario formando un gran uve na praza do Rei, acompañados pola concelleira de Benestar Social, Marta Iglesias.
O Concello desenvolve durante o presente mes de decembro a campaña "Unha bici, un sorriso", consistente na recollida de bicicletas usadas para a súa reparación e posterior entrega, o día de Reis, a persoas con escasos recursos.
Pizza Móvil e a Agrupación Galicia Social son os Premios de Integración 2005 que concede cada ano o Concello de Vigo, a través da concellería de Benestar Social. Estes premios entréganse a aquelas persoas, entidades ou empresas que tiñan traballado a prol da integración das persoas con discapacidade.
A concellería de Benestar Social celebra o xoves, día 1, a Festas das Persoas Maiores , no recinto de Cotogrande, na que participarán 2.700 persoas de máis de 65 anos dun total de 31 centros e asociacións de maiores de Vigo. Ao acontecemento tamén asistirá unha delegación portuguesa de Oporto de 130 persoas. A Festa celebrarse con motivo do "Día Internacional das Persoas Maiores".
Nas V Xornadas do Plan Local sobre dropodependencias e outras adiccións , que se desenvolve no Verbum, os días 23 e 24 , presentouse un estudio epidemiolóxico sobre a materia nas persoas xoves de 14 e 21 do municipio de Vigo. O estudio elaborado polo catedrático de psicoloxía clínica da Universidade de Santiago, Elisardo Becoña, indica que Vigo non se diferencia doutras cidades do nosos entorno e que a ruta que sigue a adicción é alcohol, tabaco, cannabis, cocaína.
A sétima edición do Pleno Infantil celebrouse na mañá do luns no Concello coa intervención de alumnos e alumnas de terceiro ciclo de primaria dos colexios Divino Salvador, CEIP Lope de Vega, CEIP. Pombal, Santa Cristina e CEIP. San Salvador, ademais do Colexio Martín Códax representado pola Alcaldesa Infantil da anterior edición. Esta acción a organiza a concellería de Benestar Social para conmemorar o Día Internacional dos Nenos e Nenas.
A concelleira de Benestar Social, Marta Iglesias, presentou hoxe mércores as V Xornadas do Plan Local sobre Drogodependencias e outras Adiccións, que se desenvolverán no Verbum os vindeiros días 23 e 24 de novembro co título de "Epidemioloxía, avaliación e novas estratexias".
Os vindeiros días 23 e 24 de novembro terán lugar as V Xornadas do Plan Local sobre Drogodependencias e outras Adiccións (PLsDA) que tratarán sobre " Epidemioloxía, avaliación e novas estratexias". As xornadas están organizadas pola concellería de Benestar Social e se celebrarán no Verbum-Casa das Palabras.
Diversas autoridades, entre elas a concelleira de Benestar Social, Marta Iglesias, e a secretaria xeral de Benestar da Xunta de Galicia, María Jesús Lago Vilaboa, asistiron hoxe martes á inauguración das novas instalacións do centro de día de atención ao menor da asociación Alborada, situadas na rúa Arquitecto Pérez Bellas.